ಶೇ 38ರಷ್ಟು ಗೋಧಿ ಕೊಯ್ಲು

ನವದೆಹಲಿ: ದೇಶದಾದ್ಯಂತ 3.2 ಕೋಟಿ ಹೆಕ್ಟೇರ್‌ನಲ್ಲಿ ಬೆಳೆಯಲಾಗಿರುವ ಗೋಧಿ ಫಸಲಿನಲ್ಲಿ ಶೇ 38ರಷ್ಟು ಕೊಯ್ಲು ಮಾಡಲಾಗಿದೆ ಎಂದು ಕೇಂದ್ರ ಕೃಷಿ ಸಚಿವ ಶಿವರಾಜ್‌ಸಿಂಗ್‌ ಚೌಹಾಣ್‌ ತಿಳಿಸಿದ್ದಾರೆ.

ಉತ್ತಮ ಇಳುವರಿ ನಿರೀಕ್ಷೆ ಇದೆ. ರೈತರಿಗೆ ಉತ್ತಮ ಖರೀದಿ ವ್ಯವಸ್ಥೆ ಮಾಡುವಂತೆ ಅಧಿಕಾರಿಗಳಿಗೆ ಸೂಚಿಸಿದ ಸಚಿವರು, ಉತ್ತರ ಪ್ರದೇಶ, ಮಧ್ಯಪ್ರದೇಶ, ಪಂಜಾಬ್‌, ಹರಿಯಾಣ, ರಾಜಸ್ಥಾನ ಮತ್ತು ಬಿಹಾರದಲ್ಲಿ ಕೊಯ್ಲು ಉತ್ತಮವಾಗಿದೆ. 2025–26ರ ಮಾರುಕಟ್ಟೆ ಋತುವಿನಲ್ಲಿ (ಏಪ್ರಿಲ್‌–ಮಾರ್ಚ್‌) 3.1 ಕೋಟಿ ಟನ್‌ ಗೋಧಿ ಖರೀದಿ ಗುರಿಯನ್ನು ನಿಗದಿಪಡಿಸಲಾಗಿದೆ ಎಂದು ಹೇಳಿದರು.