ಬಡ್ಡಿ ದರ ಇಳಿಸಿದ ಬಿಒಬಿ

ನವದೆಹಲಿ: ರೆಪೊ ದರ ತಗ್ಗಿಸುವ ತೀರ್ಮಾನವನ್ನು ಆರ್‌ಬಿಐ ಪ್ರಕಟಿಸಿದ ನಂತರ, ಸರ್ಕಾರಿ ಸ್ವಾಮ್ಯದ ಬ್ಯಾಂಕ್‌ ಆಫ್‌ ಬರೋಡ (ಬಿಒಬಿ) ರೆಪೊ ದರಕ್ಕೆ ಹೊಂದಿಕೊಂಡಿರುವ ಸಾಲಗಳ ಮೇಲಿನ ಬಡ್ಡಿ ದರವನ್ನು ಶೇ 0.25ರಷ್ಟು ಕಡಿತ ಮಾಡುತ್ತಿರುವುದಾಗಿ ಪ್ರಕಟಿಸಿದೆ.

ಬ್ಯಾಂಕ್‌ನ ಈ ತೀರ್ಮಾನದ ಪರಿಣಾಮವಾಗಿ ರೆಪೊ ದರಕ್ಕೆ ಹೊಂದಿಕೊಂಡಿರುವ ಸಾಲದ ಮೇಲಿನ ಬಡ್ಡಿ ದರವು ಶೇ 8.15ರಷ್ಟು ಇರುವುದು ಶೇ 7.90ಗೆ ಇಳಿಕೆಯಾಗಲಿದೆ. ಬ್ಯಾಂಕ್‌ ಆಫ್ ಬರೋಡ ಈ ಸಂಗತಿಯನ್ನು ಷೇರುಪೇಟೆಗೆ ತಿಳಿಸಿದೆ. ಪರಿಷ್ಕೃತ ಬಡ್ಡಿ ದರವು ಡಿಸೆಂಬರ್‌ 6ರಿಂದಲೇ ಅನ್ವಯವಾಗಲಿದೆ ಎಂದೂ ಬ್ಯಾಂಕ್‌ ತಿಳಿಸಿದೆ.