ಉಳಿತಾಯ ಖಾತೆಗೆ ಶುಲ್ಕ ಇಲ್ಲ: ಬ್ಯಾಂಕ್ ಆಫ್ ಬರೋಡ

ಬೆಂಗಳೂರು: ಉಳಿತಾಯ ಖಾತೆಗಳಲ್ಲಿ ಕನಿಷ್ಠ ಮೊತ್ತ ಕಾಯ್ದುಕೊಳ್ಳದೆ ಇದ್ದರೆ ಶುಲ್ಕ ವಿಧಿಸುವ ಕ್ರಮವನ್ನು ಜುಲೈ 1ರಿಂದ ಕೈಬಿಡಲಾಗಿದೆ ಎಂದು ಬ್ಯಾಂಕ್ ಆಫ್ ಬರೋಡ ತಿಳಿಸಿದೆ.

‘ಉಳಿತಾಯ ಖಾತೆಗಳಲ್ಲಿ ಮಾಸಿಕ ಸರಾಸರಿ ಮೊತ್ತ ಕಾಯ್ದುಕೊಳ್ಳದಿದ್ದರೂ ಗ್ರಾಹಕರಿಗೆ ಯಾವುದೇ ಶುಲ್ಕ ವಿಧಿಸುವುದಿಲ್ಲ. ಇದು ಬ್ಯಾಂಕ್‌ನ ಗ್ರಾಹಕ ಸ್ನೇಹಿ ಕ್ರಮ. ಆದರೆ, ಪ್ರೀಮಿಯಂ ಉಳಿತಾಯ ಖಾತೆಯ ಯೋಜನೆಗಳಿಗೆ ಈ ವಿನಾಯಿತಿ ಇರುವುದಿಲ್ಲ’ ಎಂದು ಬ್ಯಾಂಕ್‌ ತಿಳಿಸಿದೆ.