ಬಿಸಿಸಿಐ ಜೊತೆ ಏಷ್ಯನ್ ಪೇಂಟ್ಸ್ ಪಾಲುದಾರಿಕೆ

ಬೆಂಗಳೂರು: ಭಾರತ ಕ್ರಿಕೆಟ್‌ ನಿಯಂತ್ರಣ ಮಂಡಳಿ (ಬಿಸಿಸಿಐ) ಜೊತೆ ಏಷ್ಯನ್ ಪೇಂಟ್ಸ್ ‘ಭಾರತ ಕ್ರಿಕೆಟ್‌ನ ಅಧಿಕೃತ ಕಲರ್ ಪಾರ್ಟ್ನರ್’ ಒಪ್ಪಂದ ಮಾಡಿಕೊಂಡಿದೆ.

ಇದು ಮೂರು ವರ್ಷಗಳ ಅವಧಿಯ ಒಪ್ಪಂದ. ಬಿಸಿಸಿಐ ಜೊತೆ ಒಪ್ಪಂದ ಮಾಡಿಕೊಂಡ ಮೊದಲ ಪೇಂಟ್ಸ್ ಕಂಪನಿ ತಾನು ಎಂದು ಏಷ್ಯನ್ ಪೇಂಟ್ಸ್ ಪ್ರಕಟಣೆ ತಿಳಿಸಿದೆ.

‘ದೇಶದ 140 ಕೋಟಿ ಹೃದಯಗಳನ್ನು ಕ್ರಿಕೆಟ್ ಒಗ್ಗೂಡಿಸುತ್ತದೆ. ಬಿಸಿಸಿಐ ಜೊತೆ ಪಾಲುದಾರಿಕೆ ಮಾಡಿಕೊಂಡಿರುವುದು ನಮಗೆ ಸಂತಸ ಮೂಡಿಸಿದೆ’ ಎಂದು ಏಷ್ಯನ್ ಪೇಂಟ್ಸ್‌ ಲಿಮಿಟೆಡ್‌ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಅಮಿತ್ ಸಿಂಗ್ಲೆ ಹೇಳಿದ್ದಾರೆ.

ಬಿಸಿಸಿಐ ವಕ್ತಾರ ದೇವಜಿತ್ ಸೈಕಿಯಾ ಮಾತನಾಡಿ, ‘ಜನರ ಜೀವನಕ್ಕೆ ಬಣ್ಣ ಮತ್ತು ಭಾವನೆಗಳನ್ನು ಸೇರಿಸುವ ಏಷ್ಯನ್ ಪೇಂಟ್ಸ್‌ನ ಪರಂಪರೆಯು ಭಾರತೀಯ ಕ್ರಿಕೆಟ್‌ನ ಉತ್ಸಾಹವನ್ನು ಹೆಚ್ಚಿಸುತ್ತದೆ’ ಎಂದು ಹೇಳಿದ್ದಾರೆ.