ಭಾರತ್‌ ಬಾಂಡ್‌ ಇಟಿಎಫ್‌ಗೆ ಬೇಡಿಕೆ

ನವದೆಹಲಿ: ಭಾರತ್ ಬಾಂಡ್‌ ಇಟಿಎಫ್‌ಗೆ ಹೂಡಿಕೆದಾರರರಿಂದ ನಿರೀಕ್ಷೆಗೂ ಮೀರಿದ ಸ್ಪಂದನೆ ದೊರೆತಿದೆ.

‘ಇಟಿಎಫ್‌ನಿಂದ ₹ 7 ಸಾವಿರ ಕೋಟಿ ಸಂಗ್ರಹಿಸುವ ನಿರೀಕ್ಷೆ ಇಟ್ಟುಕೊಳ್ಳಲಾಗಿತ್ತು. ಆದರೆ ₹ 12 ಸಾವಿರ ಕೋಟಿ ಸಂಗ್ರಹವಾಗಿದೆ’ ಎಂದು ಡಿಐಪಿಎಂ ಕಾರ್ಯದರ್ಶಿ ಟಿ.ಕೆ. ಪಾಂಡೆ ಮಾಹಿತಿ ನೀಡಿದ್ದಾರೆ.

ಇದು, ದೇಶದ ಮೊದಲ ಕಾರ್ಪೊರೇಟ್ ಬಾಂಡ್‌ ಇಟಿಎಫ್‌ ಆಗಿದೆ.

ಕೇಂದ್ರೋದ್ಯಮ ಮತ್ತು ಸರ್ಕಾರಿ ಸ್ವಾಮ್ಯದ ಹಣಕಾಸು ಸಂಸ್ಥೆಗಳಿಗೆ ಹೆಚ್ಚುವರಿ ಹಣಕಾಸು ನೆರವು ಒದಗಿಸುವ ಉದ್ದೇಶದಿಂದ ಕೇಂದ್ರ ಸರ್ಕಾರ ಇದನ್ನು ಜಾರಿಗೊಳಿಸಿದೆ.

ವಹಿವಾಟಿಗೆ ಒಳಪಡುವ ಬಾಂಡ್‌ಗಳು 3 ವರ್ಷ ಮತ್ತು 10 ವರ್ಷಗಳ ಮೆಚ್ಯುರಿಟಿ (ಪರಿಪಕ್ವ ದಿನ) ಅವಧಿ ಹೊಂದಿರಲಿವೆ.