ಬಿಟ್‌ಕಾಯಿನ್‌ ಮೌಲ್ಯ 94 ಸಾವಿರ ಡಾಲರ್‌ಗೆ ಏರಿಕೆ

ಸಿಂಗಪುರ: ಕ್ರಿಪ್ಟೊ ಟ್ರೇಡಿಂಗ್‌ ಕಂಪನಿಯಾದ ಬಕ್ಟ್‌ ಖರೀದಿಗೆ ಡೊನಾಲ್ಡ್‌ ಟ್ರಂಪ್‌ ಒಡೆತನದ ಸಾಮಾಜಿಕ ಮಾಧ್ಯಮ ಕಂಪನಿಯು ಮಾತುಕತೆ ನಡೆಸಿರುವ ಬೆನ್ನಲ್ಲೇ, ಬಿಟ್‌ಕಾಯಿನ್‌ ಮೌಲ್ಯವು ಮೊದಲ ಬಾರಿಗೆ 94 ಸಾವಿರ ಅಮೆರಿಕನ್ ಡಾಲರ್‌ಗೆ (₹79.32 ಲಕ್ಷ) ಮುಟ್ಟಿದೆ.

ಅಮೆರಿಕದ ನಿಯೋಜಿತ ಅಧ್ಯಕ್ಷ ಟ್ರಂಪ್‌ ಅವರ ಅಧಿಕಾರಾವಧಿಯಲ್ಲಿ ಕ್ರಿಪ್ಟೊಕರೆನ್ಸಿ ಮಾರುಕಟ್ಟೆ ಬಲವರ್ಧನೆಗೊಳ್ಳಲಿದೆ ಎಂಬ ಆಶಾಭಾವ ಹೂಡಿಕೆದಾರರಲ್ಲಿ ಮೂಡಿದೆ. ಇದಕ್ಕೆ ‍ಪೂರಕವಾದ ಆಡಳಿತ ಸ್ನೇಹಿ ಕ್ರಮಗಳನ್ನು ಜಾರಿಗೊಳಿಸುವ ನಿರೀಕ್ಷೆಯಿದೆ. ಹಾಗಾಗಿ, ಬಿಟ್‌ಕಾಯಿನ್‌ ಬೆಲೆಯು ಏರಿಕೆಯ ಹಾದಿ ಹಿಡಿದಿದೆ ಎಂದು ಮಾರುಕಟ್ಟೆ ತಜ್ಞರು ತಿಳಿಸಿದ್ದಾರೆ.