ಐಡಿಬಿಐ ಬ್ಯಾಂಕ್ ಷೇರು ಮಾರಾಟಕ್ಕೆ ಸಂಪುಟ ಸಮ್ಮತಿ

ನವದೆಹಲಿ: ಐಡಿಬಿಐ ಬ್ಯಾಂಕ್‌ನ ಷೇರುಗಳನ್ನು ಮಾರಾಟ ಮಾಡಲು ಹಾಗೂ ಬ್ಯಾಂಕ್‌ನ ಆಡಳಿತವನ್ನು ವರ್ಗಾವಣೆ ಮಾಡಲು ಕೇಂದ್ರ ಸಚಿವ ಸಂಪುಟ ಬುಧವಾರ ಸಮ್ಮತಿ ನೀಡಿದೆ.

ಈಗ ಕೇಂದ್ರ ಸರ್ಕಾರ ಹಾಗೂ ಭಾರತೀಯ ಜೀವ ವಿಮಾ ನಿಗಮ (ಎಲ್‌ಐಸಿ) ಐಡಿಬಿಐ ಬ್ಯಾಂಕ್‌ನಲ್ಲಿ ಒಟ್ಟು ಶೇಕಡ 94ರಷ್ಟು ಷೇರುಪಾಲು ಹೊಂದಿವೆ. ಶೇ 49.21ರಷ್ಟು ಷೇರುಪಾಲು ಹೊಂದಿರುವ ಎಲ್‌ಐಸಿ, ಈ ಬ್ಯಾಂಕ್‌ನ ಈಗಿನ ಪ್ರವರ್ತಕ. ಬ್ಯಾಂಕ್‌ನ ಆಡಳಿತ ನಿರ್ವಹಣಾ ಅಧಿಕಾರ ಎಲ್‌ಐಸಿ ಬಳಿ ಇದೆ.