ನವದೆಹಲಿ: ಸರ್ಕಾರಿ ಸ್ವಾಮ್ಯದ ಕೆನರಾ ಬ್ಯಾಂಕ್ ಮಂಗಳವಾರದಿಂದ ಜಾರಿಗೆ ಬರುವಂತೆ ತನ್ನ ನಿಶ್ಚಿತ ಠೇವಣಿಗಳ (ಎಫ್.ಡಿ.) ಮೇಲಿನ ಬಡ್ಡಿ ದರವನ್ನು ಶೇಕಡ 0.25ರವರೆಗೆ ಹೆಚ್ಚಿಸಿದೆ.
ಒಂದು ವರ್ಷದ ಎಫ್.ಡಿ. ಮೇಲಿನ ಬಡ್ಡಿ ದರವು ಶೇ 5.1ಕ್ಕೆ ಹೆಚ್ಚಾಗಿದೆ. 1–2 ವರ್ಷಗಳ ಅವಧಿಯ ಎಫ್.ಡಿ. ಮೇಲಿನ ಬಡ್ಡಿದರ ಶೇ 5 ಇದ್ದಿದ್ದು ಶೇ 5.15ಕ್ಕೆ ಹೆಚ್ಚಾಗಿದೆ. 2–3 ವರ್ಷಗಳ ಅವಧಿಗೆ ಬಡ್ಡಿ ದರವು ಶೇ 5.20ಕ್ಕೆ ತಲುಪಿದೆ.
3ರಿಂದ 5 ವರ್ಷಗಳ ಅವಧಿಗೆ ಶೇ 5.45ರಷ್ಟು ಬಡ್ಡಿ ದರ ನಿಗದಿಯಾಗಿದೆ (ಮೊದಲು ಶೇ 5.25 ಇತ್ತು). 5ರಿಂದ 10 ವರ್ಷಗಳ ಅವಧಿಯದ್ದಕ್ಕೆ ಶೇ 5.5ರಷ್ಟು ಬಡ್ಡಿದರ ನಿಗದಿ ಮಾಡಲಾಗಿದೆ. ಹಿರಿಯ ನಾಗರಿಕರು ಶೇ 0.50ರಷ್ಟು ಹೆಚ್ಚುವರಿ ಬಡ್ಡಿ ದರ ಪಡೆಯಬಹುದಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.