ಗ್ರಾಹಕರಿಗೆ ಕೆನರಾ ಬ್ಯಾಂಕ್‌ ಸಾಲ ಸೌಲಭ್ಯ
ಬೆಂಗಳೂರು: ಕೋವಿಡ್‌–19ಯಿಂದ ಸಮಸ್ಯೆಗೆ ಒಳಗಾಗಿರುವ ತನ್ನೆಲ್ಲಾ ಗ್ರಾಹಕರಿಗೂ ಅಗತ್ಯವಾದ ಸಾಲದ ನೆರವು ನೀಡುವುದಾಗಿ ಕೆನರಾ ಬ್ಯಾಂಕ್‌ ಘೋಷಿಸಿದೆ.
ವೇತನ, ವಿದ್ಯುತ್‌ ಬಿಲ್‌, ಬಾಡಿಗೆ ಹೀಗೆ ಇನ್ನಿತರ ಅಗತ್ಯಗಳಿಗೆ ಸಂಬಂಧಿಸಿದಂತೆ ಹಣ ಪಾವತಿಸಲು ಸುಲಭ ಮತ್ತು ತ್ವರಿತವಾದ ಸಾಲ ಸೌಲಭ್ಯ ನೀಡುವುದಾಗಿ ತಿಳಿಸಿದೆ.
ಕೃಷಿ, ಸ್ವ ಸಹಾಯ ಗುಂಪುಗಳು ಮತ್ತು ರಿಟೇಲ್‌ ವಲಯಗಳಲ್ಲಿ ಹೀಗೆ ಇದುವರೆಗೆ₹4,300 ಕೋಟಿ ಮೊತ್ತದ ಆರು ಲಕ್ಷ ಸಾಲ ವಿತರಣೆ ಮಾಡಲಾಗಿದೆ.
ಅರ್ಹ ಸಾಲದಾತರನ್ನು ಗುರುತಿಸಿ, ಸಾಲ ನೀಡಲು ಎಸ್‌‌ಎಂಎಸ್‌, ಕಾಲ್‌ ಸೆಂಟರ್‌, ಇ–ಮೇಲ್‌ ಮತ್ತು ವೈಯಕ್ತಿಕ ಕರೆಯ ಮಾರ್ಗಗಳನ್ನು ಅನುಸರಿಸಲಾಗುತ್ತಿದೆ.
2020ರ ಮಾರ್ಚ್‌ನಿಂದ ಇಲ್ಲಿಯವರೆಗೆಕಾರ್ಪೊರೇಟ್ ಮತ್ತು ಎಂಎಸ್‌ಎಂಇ ವಲಯಗಳಿಗೆ ₹ 60 ಸಾವಿರ ಕೋಟಿಗೂ ಅಧಿಕ ಮುಂಗಡ ಸಾಲ ನೀಡಲಾಗಿದೆ.
‘ಲಾಕ್‌ಡೌನ್‌ನಿಂದ ಸಂಪೂರ್ಣವಾಗಿ ವಿನಾಯಿತಿ ದೊರೆತ ಬಳಿಕ ನಮ್ಮ ಗ್ರಾಹಕರಿಗೆ ಬ್ಯಾಂಕಿನ ಎಲ್ಲಾ ಸೌಲಭ್ಯಗಳೂ ಲಭ್ಯವಾಗಲಿದ್ದು, ಅವರ ವಹಿವಾಟು ಸುಧಾರಣೆಗೆ ಅನುಕೂಲವಾಗಲಿದೆ ಎಂದು ಬ್ಯಾಂಕ್‌ನ ಸಿಇಒ ಎಲ್‌.ವಿ. ಪ್ರಭಾಕರ್‌ ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.