₹ 880 ಕೋಟಿ ಆದಾಯ ಮುಚ್ಚಿಟ್ಟ ಬೆಂಗಳೂರಿನ ಕಂಪನಿ: ಐ.ಟಿ. ಇಲಾಖೆ ಆರೋಪ

ನವದೆಹಲಿ: ಬೆಂಗಳೂರಿನ ಮಾನವ ಸಂಪನ್ಮೂಲ ಕಂಪನಿಯೊಂದು ₹ 880 ಕೋಟಿ ಆದಾಯವನ್ನು ಮುಚ್ಚಿಟ್ಟಿದೆ ಎಂದು ಆದಾಯ ತೆರಿಗೆ ಇಲಾಖೆ ಆರೋಪಿಸಿದೆ. ಆದರೆ, ಕ್ವೆಸ್‌ ಕಾರ್ಪ್‌ ಲಿಮಿಟೆಡ್‌ ಹೆಸರಿನ ಈ ಕಂಪನಿಯು ಆರೋಪವನ್ನು ಅಲ್ಲಗಳೆದಿದೆ.

ಆದಾಯ ತೆರಿಗೆ ಇಲಾಖೆಯು ಜುಲೈ 8ರಂದು ಕಂಪನಿಗೆ ಸೇರಿದ ಎರಡು ಸ್ಥಳಗಳಲ್ಲಿ ಶೋಧ ನಡೆಸಿದೆ. ‘ಕಂಪನಿಯು 2021ರಲ್ಲಿ ಒಟ್ಟು ₹ 2,900 ಕೋಟಿಯನ್ನು ತೆರಿಗೆ ಮತ್ತು ಶಾಸನಬದ್ಧ ಕೊಡುಗೆ ರೂಪದಲ್ಲಿ ಸರ್ಕಾರಕ್ಕೆ ಪಾವತಿಸಿದೆ’ ಎಂದು ಕಂಪನಿ ಹೇಳಿದೆ.