ಬ್ಯಾಡಗಿ ಡಬ್ಬಿ ಮೆಣಸಿನಕಾಯಿ ದರದಲ್ಲಿ ಏರಿಕೆ

ಬ್ಯಾಡಗಿ: ಮಾರುಕಟ್ಟೆಯಲ್ಲಿ ಬ್ಯಾಡಗಿ ಡಬ್ಬಿ ಮೆಣಸಿನಕಾಯಿ ದರದಲ್ಲಿ ಮತ್ತೆ ಏರಿಕೆ ಕಂಡಿದ್ದು, ಪ್ರತಿ ಕ್ವಿಂಟಲ್‌ಗೆ ಗರಿಷ್ಠ ₹ 32,111 ರಂತೆ ಗುರುವಾರ ಮಾರಾಟವಾಗಿದೆ.

ಮಾರುಕಟ್ಟೆಗೆ ಗುರುವಾರ 1,74,492 ಚೀಲ (52,347ಕ್ವಿಂಟಲ್‌) ದಾಖಲೆಯ ಆವಕವಾಗಿದೆ. ಕಳೆದ ಸೋಮವಾರ (1,26,903 ಚೀಲ) ಕ್ಕಿಂತ 47,589 ಚೀಲ ಆವಕದಲ್ಲಿ ಹೆಚ್ಚಳ ಕಂಡು ಬಂದಿದೆ.

ಗುರುವಾರದ ಟೆಂಡರ್‌ ಪ್ರಕ್ರಿಯೆಯಲ್ಲಿ 346 ಖರೀದಿ ವರ್ತಕರು ಪಾಲ್ಗೊಂಡಿದ್ದರು. ಸಗುಣಮಟ್ಟವಿಲ್ಲದ ಮತ್ತು ಹೆಚ್ಚು ನೀರು ಸಿಂಪರಿಸಿದ 217 ಲಾಟ್‌ಗಳಿಗೆ ಖರೀದಿ ವರ್ತಕರು ಬೆಲೆ ನಮೂದಿಸಿಲ್ಲ ಎಂದು ಕಾರ್ಯದರ್ಶಿ ಎಸ್‌.ಬಿ.ನ್ಯಾಮಗೌಡ ತಿಳಿಸಿದ್ದಾರೆ.