ನವದೆಹಲಿ: ಕೇಂದ್ರೋದ್ಯಮಗಳ (ಸಿಪಿಎಸ್ಇ) ವಿನಿಮಯ ವಹಿವಾಟು ನಿಧಿಯ (ಇಟಿಎಫ್) ಆರನೇ ಕಂತು ಜುಲೈ 18ರಂದು ಬಿಡುಗಡೆಯಾಗಲಿದೆ.
ಈ ಕಂತಿನಲ್ಲಿ ₹ 10 ಸಾವಿರ ಕೋಟಿ ಸಂಗ್ರಹಿಸುವ ಗುರಿಯನ್ನು ಕೇಂದ್ರ ಸರ್ಕಾರ ಹೊಂದಿದೆ.
ಒಎನ್ಜಿಸಿ, ಎನ್ಟಿಪಿಸಿ, ಕೋಲ್ ಇಂಡಿಯಾ, ಐಒಸಿ, ರೂರಲ್ ಎಲೆಕ್ಟ್ರಿಫಿಕೇಷನ್ ಕಾರ್ಪ್, ಪವರ್ ಫೈನಾನ್ಸ್ ಕಾರ್ಪ್, ಭಾರತ್ ಎಲೆಕ್ಟ್ರಾನಿಕ್ಸ್, ಆಯಿಲ್ ಇಂಡಿಯಾ, ಎನ್ಬಿಸಿಸಿ ಇಂಡಿಯಾ ಮತ್ತು ಎಸ್ಜೆವಿಎನ್ ಷೇರುಗಳು ವಹಿವಾಟಿಗೆ ಬಿಡುಗಡೆ ಆಗಲಿವೆ.
ಆರಂಭಿಕ ಹೂಡಿಕೆದಾರರಿಗೆ ಜುಲೈ 18ರಂದು ಮತ್ತು ಬೇರೆ ಹೂಡಿಕೆದಾರರಿಗೆ ಜುಲೈ 19ರಂದು ಖರೀದಿಗೆ ಅವಕಾಶ ಸಿಗಲಿದೆ.
ಪ್ರಸಕ್ತ ಹಣಕಾಸು ವರ್ಷದಲ್ಲಿ ಷೇರು ವಿಕ್ರಯದಿಂದ ₹ 1.05 ಲಕ್ಷ ಕೋಟಿ ಸಂಗ್ರಹಿಸಲು ಉದ್ದೇಶಿಸಿದೆ. ಹಿಂದಿನ ಹಣಕಾಸು ವರ್ಷದಲ್ಲಿ ₹ 85 ಸಾವಿರ ಕೋಟಿ ಸಂಗ್ರಹಿಸಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.