ಡೀಸೆಲ್‌ ದರ 25 ಪೈಸೆ ಹೆಚ್ಚಳ

ನವದೆಹಲಿ: ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳು ದೇಶದಾದ್ಯಂತ ಭಾನುವಾರ ಡೀಸೆಲ್‌ ದರವನ್ನು ಲೀಟರಿಗೆ 25 ಪೈಸೆ ಹೆಚ್ಚಿಸಿವೆ. ಪೆಟ್ರೋಲ್‌ ದರದಲ್ಲಿ ಬದಲಾವಣೆ ಆಗಿಲ್ಲ.

ಈ ದರ ಏರಿಕೆಯಿಂದ ಬೆಂಗಳೂರಿನಲ್ಲಿ ಡೀಸೆಲ್‌ ದರ ₹94.51ಕ್ಕೆ ತಲುಪಿದೆ. ದೆಹಲಿಯಲ್ಲಿ ಡೀಸೆಲ್ ದರ ₹ 89.07ಕ್ಕೆ, ಮುಂಬೈನಲ್ಲಿ ₹ 96.68ಕ್ಕೆ ಏರಿಕೆ ಕಂಡಿದೆ.

ಸೆಪ್ಟೆಂಬರ್‌ 24ರಂದು ಡೀಸೆಲ್‌ ದರವನ್ನು ಲೀಟರಿಗೆ 20 ಪೈಸೆ ಹೆಚ್ಚಿಸಲಾಗಿತ್ತು. ಆಗ ಸಹ ಪೆಟ್ರೋಲ್‌ ದರದಲ್ಲಿ ಬದಲಾವಣೆ ಮಾಡಿರಲಿಲ್ಲ. ಬ್ರೆಂಟ್‌ ಕಚ್ಚಾತೈಲ ದರವು ವಾರದಲ್ಲಿ ಶೇ 2ರಷ್ಟು ಏರಿಕೆ ಕಂಡಿದ್ದು ಬ್ಯಾರಲ್‌ಗೆ 77.50 ಡಾಲರ್‌ಗಳಿಗೆ ತಲುಪಿದೆ.