ಪಿಎಫ್‌: ಉದ್ಯೋಗಿಗಳು ಶೇ10ಕ್ಕಿಂತಹೆಚ್ಚು ವಂತಿಗೆ ನೀಡಲು ಅವಕಾಶ
ನವದೆಹಲಿ: ಉದ್ಯೋಗಿಗಳು ತಮ್ಮ ಭವಿಷ್ಯ ನಿಧಿ (ಪಿಎಫ್‌) ಖಾತೆಗೆ ಶೇ 10ಕ್ಕಿಂತಲೂ ಹೆಚ್ಚಿನ ವಂತಿಗೆಯನ್ನು ನೀಡಬಹುದು ಎಂದು ಕಾರ್ಮಿಕ ಸಚಿವಾಲಯ ಹೇಳಿದೆ.
ಮುಂದಿನ ಮೂರು ತಿಂಗಳಿಗೆ ಪಿಎಫ್‌ಗೆ ಶಾಸನಬದ್ಧವಾಗಿ ವಂತಿಗೆ ಸಲ್ಲಿಸುವ ಮೂಲ ವೇತನದ ಶೇ 10ಕ್ಕಿಂತಲೂ ಹೆಚ್ಚಿಗೆ ನೀಡುವ ಆಯ್ಕೆಯನ್ನುಉದ್ಯೋಗಿಗಳಿಗೆ ನೀಡಲಾಗಿದೆ. ಈ ನಿಯಮವು ಮಾಲೀಕರಿಗೆ ಅನ್ವಯವಾಗದು.
ಉದ್ಯೋಗಿ ಮತ್ತು ಉದ್ಯೋಗದಾತರ ಪಿಎಫ್‌ ವಂತಿಗೆಯನ್ನು ಮೇ, ಜೂನ್‌ ಮತ್ತು ಜುಲೈ ಸಂಬಳದ ಶೇ 12ಕ್ಕೆ ಬದಲಾಗಿ ಶೇ 10ಕ್ಕಿ ಇಳಿಕೆ ಮಾಡಿರುವುದನ್ನು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಅವರು ಕಳೆದ ವಾರ ಬಗ್ಗೆ ಘೋಷಿಸಿದ್ದರು. ಇದರಿಂದ ಉದ್ಯೋಗಿಗಳು ಮನೆಗೆ ಕೊಂಡೊಯ್ಯುವ ಸಂಬಳ ಹೆಚ್ಚಳವಾಗಲಿದೆ ಎಂದು ಹೇಳಿದ್ದರು.
ಇದು, ಕೇಂದ್ರ ಮತ್ತು ರಾಜ್ಯ ಸರ್ಕಾರಿ ಸ್ವಾಮ್ಯದ ಉದ್ದಿಮೆಗಳು ಅಥವಾ ಕೇಂದ್ರ ಅಥವಾ ರಾಜ್ಯ ಸರ್ಕಾರಗಳ ನಿಯಂತ್ರಣದಲ್ಲಿ ಇರುವ ಸಂಸ್ಥೆಗಳಿಗೆ ಅನ್ವಯವಾಗುವುದಿಲ್ಲ ಎಂದು ತಿಳಿಸಿಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.