ಎಪ್ಸಿಲಾನ್‌ನಿಂದ ₹ 550 ಕೋಟಿ ಹೂಡಿಕೆ

ಬೆಂಗಳೂರು: ಕಾರ್ಬನ್ ಬ್ಲಾಕ್ ಉತ್ಪಾದಕ ಕಂಪನಿ ‘ಎಪ್ಸಿಲಾನ್ ಕಾರ್ಬನ್’ ವಿಜಯನಗರ ಜಿಲ್ಲೆಯಲ್ಲಿರುವ ತನ್ನ ಉತ್ಪಾದನಾ ಘಟಕದ ಸಾಮರ್ಥ್ಯವನ್ನು ಹೆಚ್ಚಿಸಲು ₹ 550 ಕೋಟಿ ಹೂಡಿಕೆ ಮಾಡಲಿದೆ.

ವಿಜಯನಗರದಲ್ಲಿರುವ ಉತ್ಪಾದನಾ ಘಟಕದ ಸಾಮರ್ಥ್ಯಕ್ಕೆ ಹೆಚ್ಚುವರಿಯಾಗಿ 1 ಲಕ್ಷ ಟನ್ ಸೇರ್ಪಡೆ ಮಾಡಲು ಕಂಪನಿ ಮುಂದಾಗಿದೆ. ಇದರಿಂದಾಗಿ ಕಂಪನಿಯ ಕಾರ್ಬನ್ ಬ್ಲಾಕ್ ಉತ್ಪಾದನಾ ಸಾಮರ್ಥ್ಯವು 2.15 ಲಕ್ಷ ಟನ್‌ಗೆ ಏರಿಕೆ ಆಗಲಿದೆ ಎಂದು ಪ್ರಕಟಣೆ ತಿಳಿಸಿದೆ.

‘2023–23ನೇ ಹಣಕಾಸು ವರ್ಷ ಕೊನೆಗೊಳ್ಳುವ ಮೊದಲು ಘಟಕದ ಸಾಮರ್ಥ್ಯ ವಿಸ್ತರಣೆ ಆಗಲಿದೆ’ ಎಂದು ಎಪ್ಸಿಲಾನ್ ಕಾರ್ಬನ್‌ನ ವ್ಯವಸ್ಥಾಪಕ ನಿರ್ದೇಶಕ ವಿಕ್ರಮ್ ಹಂಡಾ ಹೇಳಿದ್ದಾರೆ.