3ನೇ ತ್ರೈಮಾಸಿಕದಲ್ಲಿ ದೇಶದ ಆರ್ಥಿಕ ವೃದ್ಧಿ ದರ ಕುಂಠಿತ

ನವದೆಹಲಿ: ದೇಶದ ಆರ್ಥಿಕ ವೃದ್ಧಿ ದರವು ಅಕ್ಟೋಬರ್‌ – ಡಿಸೆಂಬರ್ ಅವಧಿಯಲ್ಲಿ ಶೇ 6.6ರಷ್ಟು ಬೆಳವಣಿಗೆ ಕಂಡಿದ್ದು, 15 ತಿಂಗಳಲ್ಲಿನ ಕಡಿಮೆ ವೃದ್ಧಿ ದರ ಇದಾಗಿದೆ.

ಒಟ್ಟು ಆಂತರಿಕ ಉತ್ಪನ್ನವು (ಜಿಡಿಪಿ) ಹಿಂದಿನ ಹಣಕಾಸು ವರ್ಷದ 3ನೆ ತ್ರೈಮಾಸಿಕದಲ್ಲಿ ಸ್ಥಿರ ಬೆಲೆ (2018–19) ಲೆಕ್ಕದಲ್ಲಿ ಶೇ 7.7ರಷ್ಟು ದಾಖಲಾಗಿತ್ತು. ಮೊದಲ ಮತ್ತು ದ್ವಿತೀಯ ತ್ರೈಮಾಸಿಕದಲ್ಲಿನ ಡಿಜಿಪಿ ವೃದ್ಧಿ ದರವು ಕ್ರಮವಾಗಿ ಶೇ 8 ಮತ್ತು ಶೇ 7ರಷ್ಟಿತ್ತು ಎಂದು ಕೇಂದ್ರೀಯ ಸಾಂಖ್ಯಿಕ ಕಚೇರಿಯು (ಸಿಎಸ್‌ಒ) ತಿಳಿಸಿದೆ.

ಪ್ರಸಕ್ತ ಹಣಕಾಸು ವರ್ಷದಲ್ಲಿನ ಆರ್ಥಿಕ ವೃದ್ಧಿ ದರವು ಶೇ 7ರಷ್ಟು ಇರಲಿದೆ ಎಂದು ಅಂದಾಜಿಸಲಾಗಿದೆ. ಹಿಂದಿನ ವರ್ಷ ಇದು ಶೇ 7.2ರಷ್ಟಿತ್ತು.