ಐಪಿಒ ಅರ್ಜಿ ಸಲ್ಲಿಸಿದ ಗೋ ಡಿಜಿಟಲ್‌

ಬೆಂಗಳೂರು: ಬೆಂಗಳೂರು ಮೂಲದ ಗೋ ಡಿಜಿಟ್ ಇನ್ಶುರೆನ್ಸ್ ಕಂಪನಿಯು ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಮೂಲಕ ಬಂಡವಾಳ ಸಂಗ್ರಹಿಸಲು ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿಗೆ (ಸೆಬಿ) ಕರಡು ದಾಖಲೆ ಪತ್ರಗಳನ್ನು ಸಲ್ಲಿಸಿದೆ.

ಐಪಿಒ ಸಂದರ್ಭದಲ್ಲಿ ಶೇಕಡ 10ರಷ್ಟು ಷೇರುಗಳು ಸಣ್ಣ ಹೂಡಿಕೆದಾರರಿಗೆ ಮೀಸಲಾಗಿ ಇರಲಿವೆ. ಶೇ 75ರಷ್ಟು ಷೇರುಗಳು ಅರ್ಹ ಸಾಂಸ್ಥಿಕ ಹೂಡಿಕೆದಾರರಿಗೆ ಮೀಸಲಾಗಿ ಇರಲಿವೆ ಎಂದು ಪ್ರಕಟಣೆ ತಿಳಿಸಿದೆ.

ಐಪಿಒ ಮೂಲಕ ₹ 1,250 ಕೋಟಿ ಸಂಗ್ರಹಿಸುವ ಗುರಿಯನ್ನು ಕಂಪನಿ ಹೊಂದಿದೆ. ಗೋ ಡಿಜಿಟ್ ಕಂಪನಿಯು ವಾಹನ ವಿಮೆ, ಆರೋಗ್ಯ, ಪ್ರಯಾಣ, ಆಸ್ತಿ ವಿಮೆ ಸೇರಿದಂತೆ ಹಲವು ವಿಮಾ ಸೇವೆಗಳನ್ನು ಒದಗಿಸುತ್ತಿದೆ.