ಚಿನ್ನದ ದರ ₹ 305ರಷ್ಟು ಇಳಿಕೆ

ನವದೆಹಲಿ: ಇಲ್ಲಿನ ಚಿನಿವಾರ ಪೇಟೆಯಲ್ಲಿ ಚಿನ್ನದ ದರ 10 ಗ್ರಾಂಗೆ ₹ 305ರಷ್ಟು ಇಳಿಕೆ ಕಂಡು ₹ 46,756ರಂತೆ ಮಾರಾಟವಾಗಿದೆ.

ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ದರ ಇಳಿಕೆ ಆಗಿರುವುದರಿಂದ ದೇಶಿ ಮಾರುಕಟ್ಟೆಯಲ್ಲಿಯೂ ಅದರ ಪರಿಣಾಮ ಉಂಟಾಗಿದೆ ಎಂದು ಎಚ್‌ಡಿಎಫ್‌ಸಿ ಸೆಕ್ಯುರಿಟೀಸ್‌ ತಿಳಿಸಿದೆ.

ಬೆಳ್ಳಿ ಧಾರಣೆ ಕೆ.ಜಿ.ಗೆ ₹ 113ರಷ್ಟು ಇಳಿಕೆ ಕಂಡು ₹ 67,810ಕ್ಕೆ ತಲುಪಿತು.

ಈಚೆಗೆ ಇಳಿಮುಖವಾಗಿದ್ದ ಅಮೆರಿಕದ ಬಾಂಡ್‌ ಗಳಿಕೆಯು ಮತ್ತೆ ಚೇತರಿಕೆ ಕಂಡುಕೊಂಡಿದ್ದರಿಂದ ಚಿನ್ನದ ಬೆಲೆಯು ಒತ್ತಡಕ್ಕೆ ಒಳಗಾಗಿ ವಹಿವಾಟು ನಡೆಸಿತು ಎಂದು ಎಚ್‌ಡಿಎಫ್‌ಸಿ ಸೆಕ್ಯುರಿಟೀಸ್‌ನ ಹಿರಿಯ ವಿಶ್ಲೇಷಕ ತಪನ್‌ ಪಟೇಲ್‌ ಹೇಳಿದ್ದಾರೆ.