ಚಿನ್ನದ ದರ ₹2,200 ಏರಿಕೆ: ಬೆಳ್ಳಿ ಬೆಲೆ ₹2,000 ಇಳಿಕೆ

ನವದೆಹಲಿ: ಇಲ್ಲಿನ ಚಿನಿವಾರ ಪೇಟೆಯಲ್ಲಿ ಶುಕ್ರವಾರ ನಡೆದ ವಹಿವಾಟಿನಲ್ಲಿ ಚಿನ್ನದ ದರ ಏರಿಕೆಯಾಗಿದ್ದು, ಬೆಳ್ಳಿ ಬೆಲೆ ಇಳಿಕೆಯಾಗಿದೆ ಎಂದು ಅಖಿಲ ಭಾರತ ಸರಾಫ್ ಅಸೋಸಿಯೇಷನ್ ತಿಳಿಸಿದೆ.

10 ಗ್ರಾಂ ಚಿನ್ನದ ದರ  (ಶೇ 99.9ರಷ್ಟು ಪರಿಶುದ್ಧತೆ) ₹2,200 ಏರಿಕೆಯಾಗುವ ಮೂಲಕ ₹1,25,600 ರಂತೆ ಮಾರಾಟವಾಗಿದೆ. 

ಗುರುವಾರ ಶುದ್ಧ ಚಿನ್ನ (99.9) 10 ಗ್ರಾಂಗೆ ₹1,23,400ಕ್ಕೆ ಮಾರಾಟವಾಗಿತ್ತು.

ಆಭರಣ ಚಿನ್ನದ (ಶೇ 99.5ರಷ್ಟು ಪರಿಶುದ್ಧತೆ) ದರವೂ ₹2,200 ಏರಿಕೆಯಾಗುವ ಮೂಲಕ 10 ಗ್ರಾಂಗೆ ₹1,25,000 ರಂತೆ ಮಾರಾಟವಾಗಿದೆ. 

ಗುರುವಾರ ಆಭರಣ ಚಿನ್ನ 10 ಗ್ರಾಂಗೆ ₹1,22,800 ರಂತೆ ಮಾರಾಟವಾಗಿತ್ತು.

ಬೆಳ್ಳಿ ಬೆಲೆಯಲ್ಲಿ ಇಳಿಕೆಯಾಗಿದೆ.

ಬೆಳ್ಳಿ ₹2,000 ಇಳಿಕೆಯಾಗಿದ್ದು, ಒಂದು ಕೆ.ಜಿಗೆ ₹1,53,000ಕ್ಕೆ ತಲುಪಿದೆ. ಗುರುವಾರ ಕೆ.ಜಿ ಚಿನ್ನದ ದರ ₹1,55,000 ಇತ್ತು.

ದಾಸ್ತಾನುಗಾರರು ಮತ್ತು ಆಭರಣ ತಯಾರಕರಿಂದ ಚಿನ್ನದ ಖರೀದಿ ಹೆಚ್ಚಳವಾಗಿದೆ. ಹೀಗಾಗಿ, ಹಳದಿ ಲೋಹದ ಬೆಲೆಯಲ್ಲಿ ಏರಿಕೆಯಾಗಿದೆ ಎಂದು ಮಾರುಕಟ್ಟೆ ತಜ್ಞರು ತಿಳಿಸಿದ್ದಾರೆ.