ಲಸಿಕೆ ಮೇಲಿನ ತೆರಿಗೆ: ಜೂನ್‌ 8ಕ್ಕೆ ಸಮಿತಿ ವರದಿ

ನವದೆಹಲಿ: ಕೋವಿಡ್‌ ಲಸಿಕೆ, ಔಷಧಗಳು, ಸ್ಯಾನಿಟೈಸರ್, ಮುಖಗವಸು, ಪಿಪಿಇ ಕಿಟ್‌ ಮತ್ತು ಆಮ್ಲಜನಕ ಸಿಲಿಂಡರ್‌ಗಳ ಮೇಲಿನ ಜಿಎಸ್‌ಟಿ ಪ್ರಮಾಣದ ಕುರಿತು ಸಚಿವರ ಸಮಿತಿಯು ಜೂನ್‌ 8ರಂದು ವರದಿ ನೀಡಲಿದೆ.

ಸಚಿವರ ಸಮಿತಿಯು ತೆರಿಗೆ ಪ್ರಮಾಣದ ಪರಿಶೀಲನೆ ನಡೆಸಲಿದೆ ಎಂದು ಶುಕ್ರವಾರ ನಡೆದ ಜಿಎಸ್‌ಟಿ ಮಂಡಳಿ ಸಭೆಯಲ್ಲಿ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ತಿಳಿಸಿದ್ದರು. ಅದರಂತೆ, ಮೇಘಾಲಯದ ಮುಖ್ಯಮಂತ್ರಿ ಕಾನ್ರಾಡ್‌ ಸಂಗ್ಮಾ ಅವರ ನೇತೃತ್ವದಲ್ಲಿ ಎಂಟು ಸಚಿವರ ಸಮಿತಿಯೊಂದನ್ನು ರಚಿಸಲಾಗಿದೆ.