ಯಾವುದೇ ಟೆಲಿಕಾಂ ಕಂಪನಿ ಸ್ವಾಧೀನದಲ್ಲಿ ಸರ್ಕಾರಕ್ಕೆ ಇಲ್ಲ ಆಸಕ್ತಿ: ವಿಐಎಲ್‌ ಸಿಇಒ

ನವದೆಹಲಿ: ‘ದೂರಸಂಪರ್ಕ ವಲಯದ ಯವುದೇ ಕಂಪನಿಯನ್ನು ಸ್ವಾಧೀನಪಡಿಸಿಕೊಳ್ಳುವ ಆಸಕ್ತಿಯನ್ನು ತಾನು ಹೊಂದಿಲ್ಲ ಎಂದು ಕೇಂದ್ರ ಸರ್ಕಾರವು ಸ್ಪಷ್ಟಪಡಿಸಿದೆ’ ಎಂದು ವೊಡಾಫೋನ್‌ ಐಡಿಯಾ ಲಿಮಿಟೆಡ್‌ನ (ವಿಐಎಲ್‌) ಸಿಇಒ ರವೀಂದರ್‌ ಟಕ್ಕರ್ ಹೇಳಿದ್ದಾರೆ.

‘ಸರ್ಕಾರದೊಂದಿಗೆ ವಿವಿಧ ಹಂತಗಳಲ್ಲಿ ನಾನು ಸಂವಹನ ನಡೆಸಿದ್ದೇನೆ. ಸರ್ಕಾರವು ಯಾವುದೇ ಇತರ ಟೆಲಿಕಾಂ ಕಂಪನಿಯನ್ನು ಹೊಂದಲು ಅಥವಾ ಸ್ವಾಧೀನಪಡಿಸಿಕೊಳ್ಳಲು ಅಥವಾ ನಿರ್ವಹಿಸಲು ಆಸಕ್ತಿ ಹೊಂದಿಲ್ಲ ಎಂಬುದು ಸ್ಪಷ್ಟವಾಗಿದೆ’ ಎಂದಿದ್ದಾರೆ.

ಟೆಲಿಕಾಂ ವಲಯದಲ್ಲಿ ಕನಿಷ್ಠ ಮೂರು ಖಾಸಗಿ ಕಂಪನಿಗಳು ಇರಬೇಕು ಎಂಬುದು ಸರ್ಕಾರದ ಬಯಕೆ ಎನ್ನುವುದು ಸ್ಪಷ್ಟವಾಗಿದೆ ಎಂದು ಸುದ್ದಿಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ಅವರು ತಿಳಿಸಿದ್ದಾರೆ.