ಸಿಬ್ಬಂದಿಗೆ ವಿಶೇಷ ಬೋನಸ್ ಘೋಷಿಸಿದ ಎಚ್ಸಿಎಲ್ ಟೆಕ್ನಾಲಜೀಸ್
Published 8 ಫೆಬ್ರುವರಿ 2021, 13:59 IST
ಸಾಂದರ್ಭಿಕ ಚಿತ್ರ
ನವದೆಹಲಿ: ಎಚ್ಸಿಎಲ್ ಟೆಕ್ನಾಲಜೀಸ್ ಕಂಪನಿಯ ವರಮಾನವು 2020ರಲ್ಲಿ ₹ 72,800 ಕೋಟಿಯ ಮೈಲಿಗಲ್ಲು ತಲುಪಿದೆ. ಈ ಸಂಭ್ರಮಕ್ಕಾಗಿ ತನ್ನ ಸಿಬ್ಬಂದಿಗೆ ₹ 700 ಕೋಟಿಗೂ ಹೆಚ್ಚಿನ ಮೊತ್ತದ ವಿಶೇಷ ಬೋನಸ್ ನೀಡುವುದಾಗಿ ಸೋಮವಾರ ಘೋಷಿಸಿದೆ.
ಫೆಬ್ರುವರಿ ತಿಂಗಳಿನಲ್ಲಿಯೇ ವಿಶೇಷ ಬೋನಸ್ ನೀಡುವುದಾಗಿ ಅದು ಹೇಳಿದೆ. ಒಂದು ವರ್ಷದ ಸೇವೆ ಅಥವಾ ಹೆಚ್ಚಿನ ಸೇವೆಯನ್ನು ಹೊಂದಿರುವ ಎಲ್ಲಾ ಉದ್ಯೋಗಿಗಳು ಹತ್ತು ದಿನಗಳ ಸಂಬಳಕ್ಕೆ ಸಮಾನವಾದ ಬೋನಸ್ ಪಡೆಯಲಿದ್ದಾರೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಕೋವಿಡ್‌–19 ಸಾಂಕ್ರಾಮಿಕದ ಸಂದರ್ಭದಲ್ಲಿಯೂ ಎಚ್ಸಿಎಲ್ ಕುಟುಂಬದ ಪ‍್ರತಿಯೊಬ್ಬ ಸದಸ್ಯರು ತೋರಿಸಿದ ಬದ್ಧತೆ ಮತ್ತು ಉತ್ಸಾಹದಿಂದ ಕಂಪನಿಯು ಈ ಪ್ರಮಾಣದ ಬೆಳವಣಿಗೆ ಕಾಣಲು ಸಾಧ್ಯವಾಗಿದೆ ಎಂದು ಮಾನವ ಸಂಪನ್ಮೂಲ ವಿಭಾಗದ ಮುಖ್ಯ ಅಧಿಕಾರಿ ಅಪ್ಪಾರಾವ್‌ ವಿ.ವಿ. ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.