ಎಚ್‌ಸಿಎಲ್‌ ತೆಕ್ಕೆಗೆ ಆಸ್ಟ್ರೇಲಿಯಾದ ಕಂಪನಿ

ನವದೆಹಲಿ: ಆಸ್ಟ್ರೇಲಿಯಾದ ಮಾಹಿತಿ ತಂತ್ರಜ್ಞಾನ ವಲಯದ ಡಿಡಬ್ಲ್ಯೂಎಸ್ ಕಂಪನಿಯನ್ನು ಸ್ವಾಧೀನ ಮಾಡಿಕೊಳ್ಳುವುದಾಗಿ ಎಚ್‌ಸಿಎಲ್‌ ಟೆಕ್ನಾಲಜೀಸ್ ಕಂಪನಿ ತಿಳಿಸಿದೆ.

ಡಿಡಬ್ಲ್ಯೂಎಸ್‌ ಸ್ವಾಧೀನ ಮಾಡಿಕೊಳ್ಳುವುದರಿಂದ ಎಚ್‌ಸಿಎಲ್‌ಗೆ‌, ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್‌ ಮಾರುಕಟ್ಟೆಗಳಲ್ಲಿ ಹಿಡಿತ ಗಟ್ಟಿ ಮಾಡಿಕೊಳ್ಳಲು ಸಹಾಯವಾಗುತ್ತದೆ ಎನ್ನಲಾಗಿದೆ. ಒಟ್ಟು ₹ 850.33 ಕೋಟಿ ಪಾವತಿಸಿ ಈ ಕಂಪನಿಯನ್ನು ಎಚ್‌ಸಿಎಲ್‌ ಖರೀದಿಸುತ್ತಿದೆ. ಡಿಸೆಂಬರ್‌ ವೇಳೆಗೆ ಖರೀದಿ ಪ್ರಕ್ರಿಯೆ ಪೂರ್ಣವಾಗಲಿದೆ.