₹3 ಸಾವಿರ ಕೋಟಿ ಸಂಗ್ರಹಕ್ಕೆ ಮುಂದಾದ ಹುಡ್ಕೊ

ನವದೆಹಲಿ: ಷೇರುಗಳಾಗಿ ಪರಿವರ್ತಿಸಲಾಗದ ಸಾಲದ ಪತ್ರಗಳ (ಎನ್‌ಸಿಡಿ) ಹಂಚಿಕೆ ಮೂಲಕ ₹3 ಸಾವಿರ ಕೋಟಿ ಬಂಡವಾಳ ಸಂಗ್ರಹಿಸಲು ಯೋಜಿಸಲಾಗಿದೆ ಎಂದು ವಸತಿ ಮತ್ತು ನಗರಾಭಿವೃದ್ಧಿ ನಿಗಮ (ಹುಡ್ಕೊ) ತಿಳಿಸಿದೆ.

ಬಂಡವಾಳ ಸಂಗ್ರಹಿಸಲು ಬಾಂಡ್‌ ಹಂಚಿಕೆ ಸಮಿತಿ ಅನುಮತಿ ನೀಡಿದೆ ಎಂದು ಹುಡ್ಕೊ ಷೇರುಪೇಟೆಗೆ ತಿಳಿಸಿದೆ. ಹುಡ್ಕೊ ವಸತಿ ಮತ್ತು ನಗರದ ಮೂಲಸೌಕರ್ಯ ಯೋಜನೆಗಳಿಗೆ ಹಣಕಾಸಿನ ನೆರವನ್ನು ನೀಡುತ್ತದೆ.