ಮುಂಬೈ: ಯಶಸ್ವಿ ನವೋದ್ಯಮಗಳನ್ನು ಹೊಂದಿರುವ ಪ್ರಮುಖ ದೇಶಗಳ ಪಟ್ಟಿಯಲ್ಲಿ ಭಾರತ ಮೂರನೇ ಸ್ಥಾನ ಪಡೆದುಕೊಂಡಿದೆ.
ಭಾರತದಲ್ಲಿ 21 ಯಶಸ್ವಿ ನವೋದ್ಯಮಗಳಿವೆ.ಒನ್97 ಕಮ್ಯುನಿಕೇಷನ್, ಓಲಾ ಕ್ಯಾಬ್ಸ್, ಬೈಜೂಸ್ ಮತ್ತು ಓಯೊ ರೂಮ್ಸ್ ಪ್ರಮುಖವಾಗಿವೆ.ಹುರುನ್ ರಿಸರ್ಚ್ ಸಂಸ್ಥೆಯು2019ರ ಹುರುನ್ ಗ್ಲೋಬಲ್ ಯುನಿಕಾರ್ನ್ ಪಟ್ಟಿಯಲ್ಲಿ ಈ ಮಾಹಿತಿ ನೀಡಿದೆ.
ಚೀನಾ (206) ಮತ್ತು ಅಮೆರಿಕ (203) ಮೊದಲೆರಡು ಸ್ಥಾನದಲ್ಲಿವೆ.ವಿಶ್ವದ ಶೇ 80ರಷ್ಟು ನವೋದ್ಯಮಗಳು ಚೀನಾದಲ್ಲಿಯೇ ಇವೆ.
ಹುರುನ್ ಸಂಸ್ಥೆಯು 25 ದೇಶಗಳ 118 ನಗರಗಳ 494 ನವೋದ್ಯಮಗಳ ಮಾಹಿತಿ ನೀಡಿದೆ.
‘ಹೊಸ ಪೀಳಿಗೆಯ ತಂತ್ರಜ್ಞಾನ ಬಳಕೆಯಲ್ಲಿ ಈ ನವೋದ್ಯಮಗಳು ಮುಂಚೂಣಿಯಲ್ಲಿವೆ’ ಎಂದು ಹುರುನ್ ವರದಿಯ ಅಧ್ಯಕ್ಷ ರೂಪರ್ಟ್ ಹುಗ್ವರ್ಫ್ ಹೇಳಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.