ಮಾರ್ಚ್‌ನಲ್ಲಿ ಕಂಪನಿಗಳ ವಿದೇಶಿ ಸಾಲ ಸಂಗ್ರಹ ಶೇ 24ರಷ್ಟು ಹೆಚ್ಚಳ

ಮುಂಬೈ: ‌ಬಾಹ್ಯ ವಾಣಿಜ್ಯ ಸಾಲದ (ಇಸಿಬಿ) ಮೂಲಕ ಭಾರತದ ಕಂಪನಿಗಳು ಮಾರ್ಚ್‌ನಲ್ಲಿ ಪಡೆದಿರುವ ಸಾಲದ ಮೊತ್ತವು ಹಿಂದಿನ ವರ್ಷದ ಮಾರ್ಚ್‌ಗೆ ಹೋಲಿಸಿದರೆ ಶೇಕಡ 24ರಷ್ಟು ಹೆಚ್ಚಾಗಿದೆ ಎಂದು ಆರ್‌ಬಿಐ ಮಾಹಿತಿ ನೀಡಿದೆ.

ಕಂಪನಿಗಳು ಪಡೆದಿರುವ ಸಾಲವು 2020ರ ಮಾರ್ಚ್‌ನಲ್ಲಿ ₹ 55,056 ಕೋಟಿಗಳಷ್ಟಿತ್ತು. ಇದು 2021ರ ಮಾರ್ಚ್‌ನಲ್ಲಿ ₹ 68,302 ಕೋಟಿಗಳಿಗೆ ತಲುಪಿದೆ.

ಇಂಡಿಯನ್‌ ರೇಲ್ವೆ ಫೈನಾನ್ಸ್ ಕಾರ್ಪೊರೇಷನ್ (ಐಆರ್‌ಎಫ್‌ಸಿ), ಒಎನ್‌ಜಿಸಿ ವಿದೇಶ್ ರೋವುಮಾ ಮತ್ತು ಆರ್‌ಇಸಿ ಲಿಮಿಟೆಡ್‌, ಅದಾನಿ ಹೈಬ್ರಿಡ್‌ ಎನರ್ಜಿ ಜೈಸಲ್ಮೇರ್‌, ಭಾರ್ತಿ ಏರ್‌ಟೆಲ್‌, ಪಿಜಿಪಿ ಗ್ಲಾಸ್‌ ಮತ್ತು ಎನ್‌ಟಿಪಿಸಿ ಸೇರಿದಂತೆ ಹಲವು ಕಂಪನಿಗಳು ಬಂಡವಾಳ ಸಂಗ್ರಹಿಸಿವೆ.