ಭಾರತದ ಜಿಡಿಪಿ ಶೇ 11ರಷ್ಟು ಬೆಳವಣಿಗೆ: ಏಷ್ಯಾ ಅಭಿವೃದ್ಧಿ ಬ್ಯಾಂಕ್

ನವದೆಹಲಿ: ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ಭಾರತದ ಅರ್ಥ ವ್ಯವಸ್ಥೆಯು ಶೇಕಡ 11ರಷ್ಟು ಬೆಳವಣಿಗೆ ಸಾಧಿಸುವ ನಿರೀಕ್ಷೆ ಇದೆ ಎಂದು ಏಷ್ಯಾ ಅಭಿವೃದ್ಧಿ ಬ್ಯಾಂಕ್ (ಎಡಿಬಿ) ಅಂದಾಜಿಸಿದೆ. ಆದರೆ, ಕೋವಿಡ್–19 ಪ್ರಕರಣಗಳಲ್ಲಿನ ಏರಿಕೆಯು ಬೆಳವಣಿಗೆಗೆ ಅಡ್ಡಿಯಾಗಬಹುದು ಎಂದು ಅದು ಎಚ್ಚರಿಸಿದೆ.

2020ರಲ್ಲಿ ಶೇಕಡ (–) 6ರಷ್ಟು ಕುಸಿತ ಕಂಡಿದ್ದ ದಕ್ಷಿಣ ಏಷ್ಯಾದ ಜಿಡಿಪಿಯು ಪ್ರಸಕ್ತ ವರ್ಷದಲ್ಲಿ ಶೇ 9.5ರಷ್ಟು ಬೆಳವಣಿಗೆ ಕಾಣಲಿದೆ ಎಂದು ಎಡಿಬಿ ಅಂದಾಜು ಮಾಡಿದೆ.