ಸೇವಾ ವಲಯ ಪ್ರಗತಿ ಇಳಿಕೆ

ನವದೆಹಲಿ: ದೇಶದ ಸೇವಾ ವಲಯದ ಬೆಳವಣಿಗೆಯು ಮಾರ್ಚ್‌ ತಿಂಗಳಲ್ಲಿ ಇಳಿಕೆಯಾಗಿದೆ ಎಂದು ಎಸ್‌ ಆ್ಯಂಡ್ ಪಿ ಗ್ಲೋಬಲ್ ಸಂಸ್ಥೆಯು ಶುಕ್ರವಾರ ತಿಳಿಸಿದೆ.

ಫೆಬ್ರುವರಿಯಲ್ಲಿ ಸೂಚ್ಯಂಕವು 59 ಇತ್ತು. ಮಾರ್ಚ್‌ನಲ್ಲಿ 58.5ಕ್ಕೆ ದಾಖಲಾಗಿದೆ. ಮಾರಾಟದಲ್ಲಿನ ಇಳಿಕೆಯಿಂದ ಸೂಚ್ಯಂಕವು ಇಳಿದಿದೆ. ಆದರೆ, ದೀರ್ಘಾವಧಿ ಸರಾಸರಿಯು 54.2ಕ್ಕಿಂತ ಹೆಚ್ಚಿದೆ ಎಂದು ತಿಳಿಸಿದೆ.

‘ಫೆಬ್ರುವರಿಗೆ ಹೋಲಿಸಿದರೆ ಮಾರ್ಚ್‌ನಲ್ಲಿ ದೇಶೀಯ ಮತ್ತು ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಬೇಡಿಕೆ ಇಳಿದಿದೆ. ಹೀಗಾಗಿ ಬೆಳವಣಿಗೆ ಕೂಡ ಕಡಿಮೆಯಾಗಿದೆ’ ಎಂದು ಎಚ್‌ಎಸ್‌ಬಿಸಿ ಇಂಡಿಯಾದ ಮುಖ್ಯ ಅರ್ಥಶಾಸ್ತ್ರಜ್ಞ ಪ್ರಂಜುಲ್ ಭಂಡಾರಿ ಹೇಳಿದ್ದಾರೆ.