ಜಿಎಸ್‌ಟಿ: ಬಾಕಿ ಮೊತ್ತಕ್ಕಷ್ಟೇ ಬಡ್ಡಿದರ

ನವದೆಹಲಿ: ಜಿಎಸ್‌ಟಿ ಪಾವತಿಸುವಲ್ಲಿ ವಿಳಂಬವಾದಾಗ, ಆ ಮೊತ್ತಕ್ಕಷ್ಟೇ ಬಡ್ಡಿದರ ಕಟ್ಟಬೇಕಾಗುತ್ತದೆ. ಈ ಸಂಬಂಧ ಕಾಯ್ದೆಗೆ ತಿದ್ದುಪಡಿ ತರಲಾಗಿದೆ ಎಂದು ಪರೋಕ್ಷ ತೆರಿಗೆ ಮತ್ತು ಕಸ್ಟಮ್ಸ್‌ನ ಕೇಂದ್ರೀಯ ಮಂಡಳಿ ತಿಳಿಸಿದೆ.

ಇದಕ್ಕೂ ಮೊದಲು ಸರಾಸರಿ ತೆರಿಗೆ ಮೊತ್ತದ ಆಧಾರದ ಮೇಲೆ ಬಾಕಿ ಮೊತ್ತಕ್ಕೆ ಬಡ್ಡಿದರ ವಿಧಿಸಲಾಗುತ್ತಿತ್ತು. ಇನ್ನುಮುಂದೆ ಎಷ್ಟು ಮೊತ್ತ ತಡವಾಗಿ ಪಾವತಿಸಲಾಗುವುದೋ ಅದಕ್ಕೆ ಮಾತ್ರವೇ ಬಡ್ಡಿದರ ಲೆಕ್ಕಹಾಕಲಾಗುವುದು.