ಪ್ಯಾನ್‌ ಸಂಖ್ಯೆ ಅಪ್ಡೇಟ್‌ ಮಾಡಲು ಎಲ್‌ಐಸಿ ಸೂಚನೆ

ನವದೆಹಲಿ: ಐಪಿಒಗೆ ಸಜ್ಜಾಗುತ್ತಿರುವ ಭಾರತೀಯ ಜೀವ ವಿಮಾ ನಿಗಮವು (ಎಲ್‌ಐಸಿ) ತನ್ನ ವಿಮಾ ಗ್ರಾಹಕರಿಗೆ ಪ್ಯಾನ್‌ ಸಂಖ್ಯೆ ಅಪ್ಡೇಟ್ ಮಾಡುವಂತೆ ತಿಳಿಸಿದೆ. ಇದರಿಂದಾಗಿ ಎಲ್‌ಐಸಿ ವಿಮೆ ಹೊಂದಿರುವವರಿಗೆ ಐಪಿಒ ಪ್ರಕ್ರಿಯೆಯಲ್ಲಿ ಮೀಸಲು ಕೋಟಾ ಅಡಿಯಲ್ಲಿ ಪಾಲ್ಗೊಳ್ಳಲು ಸಾಧ್ಯವಾಗಲಿದೆ.

ನಿಗಮವು ಐಪಿಒ ಮೂಲಕ ಮಾರಾಟ ಮಾಡಲಿರುವ ಷೇರುಗಳಲ್ಲಿ ಶೇಕಡ 10ರವರೆಗೆ ಷೇರುಗಳನ್ನು ವಿಮೆ ಹೊಂದಿರುವವರಿಗೆ ಮೀಸಲು ಇರಿಸಲಾಗುತ್ತದೆ. ಡಿಮ್ಯಾಟ್ ಖಾತೆ ಹೊಂದಿಲ್ಲದವರು, ತಮ್ಮದೇ ಖರ್ಚಿನಲ್ಲಿ ಡಿಮ್ಯಾಟ್ ಖಾತೆ ತೆರೆಯಬಹುದು ಎಂದು ಕೂಡ ಎಲ್‌ಐಸಿ ತಿಳಿಸಿದೆ.