ಕಬ್ಬಿಣ ಅದಿರು ಉತ್ಪಾದನೆ ಹೆಚ್ಚಳ: ಕೇಂದ್ರ ಗಣಿ ಸಚಿವಾಲಯ

ನವದೆಹಲಿ: 2024–25ರ ಆರ್ಥಿಕ ವರ್ಷದಲ್ಲಿ  28.9 ಕೋಟಿ ಟನ್‌ನಷ್ಟು ಕಬ್ಬಿಣದ ಅದಿರು ದೇಶದಲ್ಲಿ ಉತ್ಪಾದನೆ ಆಗಿದೆ ಎಂದು ಕೇಂದ್ರ ಗಣಿ ಸಚಿವಾಲಯ ಸೋಮವಾರ ತಿಳಿಸಿದೆ.

2023–24ರ ಆರ್ಥಿಕ ವರ್ಷದ ಇದೇ ಅವಧಿಯಲ್ಲಿ 27.7 ಕೋಟಿ ಟನ್‌ನಷ್ಟು ಉತ್ಪಾದನೆಯಾಗಿತ್ತು. ಈ ಉತ್ಪಾದನೆಗೆ ಹೋಲಿಸಿದರೆ ಶೇ 4.3ರಷ್ಟು ಏರಿಕೆಯಾಗಿದೆ. ಹೆಚ್ಚಿದ ಬೇಡಿಕೆಯಿಂದ ಉತ್ಪಾದನೆಯಲ್ಲಿ ಏರಿಕೆಯಾಗಿದೆ ಎಂದು ತಿಳಿಸಿದೆ. 

ಮ್ಯಾಂಗನೀಸ್‌ ಅದಿರು ಉತ್ಪಾದನೆ 38 ಲಕ್ಷ ಟನ್‌ ಆಗಿದೆ. ಅಲ್ಯೂಮಿನಿಯಂ 42 ಲಕ್ಷ ಟನ್‌, ತಾಮ್ರ ಉತ್ಪಾದನೆ 5.73 ಲಕ್ಷ ಟನ್‌ ಆಗಿದೆ ಎಂದು ತಿಳಿಸಿದೆ.