ಜಿಯೊ–ಬಿಪಿ ಚಾರ್ಜಿಂಗ್ ಕೇಂದ್ರ ಆರಂಭ

ನವದೆಹಲಿ: ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಮತ್ತು ಬಿ.ಪಿ. ಕಂಪನಿಗಳು ಒಟ್ಟಾಗಿ, ವಿದ್ಯುತ್ ಚಾಲಿತ ವಾಹನಗಳ ಚಾರ್ಜಿಂಗ್‌ ಸೌಲಭ್ಯವನ್ನು ದೆಹಲಿಯಲ್ಲಿ ಆರಂಭಿಸಿವೆ. ಇದು ವಿದ್ಯುತ್ ಚಾಲಿತ ವಾಹನಗಳ ಚಾರ್ಜಿಂಗ್‌ಗೆ ದೇಶದಲ್ಲಿ ಆರಂಭವಾಗಿರುವ ಅತಿದೊಡ್ಡ ಕೇಂದ್ರ.

‘ಜಿಯೊ–ಬಿಪಿ ಕಂಪನಿಯು ದೇಶದ ಅತಿದೊಡ್ಡ ಚಾರ್ಜಿಂಗ್ ಕೇಂದ್ರಗಳಲ್ಲಿ ಒಂದನ್ನು ದೆಹಲಿಯ ದ್ವಾರಕಾದಲ್ಲಿ ಆರಂಭಿಸಿದೆ’ ಎಂದು ಕಂಪನಿ ಹೇಳಿದೆ. ಜಿಯೊ–ಬಿಪಿ ದೇಶದಲ್ಲಿ ಇ.ವಿ. ಚಾರ್ಜಿಂಗ್ ಕೇಂದ್ರಗಳ ಜಾಲವನ್ನು ನಿರ್ಮಿಸುವ ಆಲೋಚನೆ ಹೊಂದಿದೆ. ಅಲ್ಲದೆ, ಬ್ಯಾಟರಿ ಬದಲಿಸಿಕೊಳ್ಳುವ ಕೇಂದ್ರ ನಿರ್ಮಿಸುವ ಉದ್ದೇಶವೂ ಈ ಕಂಪನಿಗೆ ಇದೆ.