₹2.22 ಲಕ್ಷ ಕೋಟಿ ಕರಗಿದ ಎಂ–ಕ್ಯಾಪ್

ನವದೆಹಲಿ: ಕಳೆದ ವಾರ ನಡೆದ ದೇಶೀಯ ಷೇರುಪೇಟೆಯ ವಹಿವಾಟಿನಲ್ಲಿ ಷೇರು ಸೂಚ್ಯಂಕಗಳ ಇಳಿಕೆಯಿಂದ ಪ್ರಮುಖ 10 ಕಂಪನಿಗಳ ಪೈಕಿ ಆರು ಕಂಪನಿಗಳ ಸಂಯೋಜಿತ ಮಾರುಕಟ್ಟೆ ಮೌಲ್ಯ (ಎಂ–ಕ್ಯಾಪ್‌) ₹2.22 ಲಕ್ಷ ಕೋಟಿ ಕರಗಿದೆ.

ರಿಲಯನ್ಸ್ ಇಂಡಸ್ಟ್ರೀಸ್‌ನ ಮಾರುಕಟ್ಟೆ ಮೌಲ್ಯ ₹1.14 ಲಕ್ಷ ಕೋಟಿಯಷ್ಟು ಕರಗಿದ್ದು, ಒಟ್ಟು ಎಂ–ಕ್ಯಾಪ್ ₹18.83 ಲಕ್ಷ ಕೋಟಿಗೆ ಇಳಿದಿದೆ. ಇನ್ಫೊಸಿಸ್ ₹29,474 ಕೋಟಿ, ಎಲ್‌ಐಸಿ ₹23,086 ಕೋಟಿ, ಟಿಸಿಎಸ್ ₹20,080 ಕೋಟಿ, ಬಜಾಜ್ ಫೈನಾನ್ಸ್ ₹17,524 ಕೋಟಿ ಮತ್ತು ಹಿಂದೂಸ್ತಾನ್ ಯೂನಿಲಿವರ್‌ ಎಂ–ಕ್ಯಾಪ್ ₹17,339 ಕೋಟಿಗೆ ಇಳಿದಿದೆ.

ಎಚ್‌ಡಿಎಫ್‌ಸಿ ಬ್ಯಾಂಕ್ ₹37,161 ಕೋಟಿ, ಐಸಿಐಸಿಐ ಬ್ಯಾಂಕ್ ₹35,814 ಕೋಟಿ, ಭಾರ್ತಿ ಏರ್‌ಟೆಲ್ ₹20,841 ಕೋಟಿ ಮತ್ತು ಎಸ್‌ಬಿಐ ಮಾರುಕಟ್ಟೆ ಮೌಲ್ಯಕ್ಕೆ ₹9,685 ಕೋಟಿ ಸೇರ್ಪಡೆ ಆಗಿದೆ.