ನಜಾರಾ – ವೊಡಾಫೋನ್ ಐಡಿಯಾ ಒಪ್ಪಂದ

ಬೆಂಗಳೂರು: ನಜಾರಾ ಟೆಕ್ನಾಲಜೀಸ್ ಮತ್ತು ವೊಡಾಫೋನ್ ಐಡಿಯಾ ಕಂಪನಿಗಳು ಪರಸ್ಪರ ಒಪ್ಪಂದ ಮಾಡಿಕೊಂಡಿದ್ದು, ವೊಡಾಫೋನ್ ಐಡಿಯಾ ಗ್ರಾಹಕರಿಗೆ ‘ವಿ’ ಆ್ಯಪ್‌ ಮೂಲಕ 1,200ಕ್ಕೂ ಹೆಚ್ಚು ಮೊಬೈಲ್ ಗೇಮ್‌ಗಳು ಲಭ್ಯವಾಗಲಿವೆ.

ಮನರಂಜನಾ ವಿಭಾಗದಲ್ಲಿ ಗೇಮಿಂಗ್‌ ವಲಯವು ಬಹುದೊಡ್ಡ ಪಾಲು ಹೊಂದಿದೆ. ಈ ವರ್ಷದ ಕೊನೆಯೊಳಗೆ ದೇಶದಲ್ಲಿ ಒಟ್ಟು 50 ಕೋಟಿ ಜನರನ್ನು ಇದು ತಲುಪಲಿದೆ ಎಂದು ಅಂದಾಜಿಸಲಾಗಿದೆ. ಭಾರತದ ಗ್ರಾಹಕರು ಮೋಜಿನಿಂದ ಸಮಯ ಕಳೆಯಲು ಹೆಚ್ಚು ಆಯ್ಕೆ ಮಾಡಿಕೊಳ್ಳುವುದು ಮೊಬೈಲ್ ಗೇಮ್‌ಗಳನ್ನು ಎಂದು ವೊಡಾಫೋನ್ ಐಡಿಯಾ ಹೇಳಿದೆ.

ಡೆಲಾಯ್ಟ್ ಮತ್ತು ಸಿಐಐ ಜಂಟಿಯಾಗಿ ಸಿದ್ಧಪಡಿಸಿರುವ ವರದಿಯೊಂದರ ಅನ್ವಯ ದೇಶದ ಗ್ರಾಹಕರು 4 ಗಂಟೆಗಿಂತ ಹೆಚ್ಚು ಅವಧಿಯನ್ನು ಮೊಬೈಲ್‌ ಆಟಗಳಿಗಾಗಿ ವಿನಿಯೋಗಿಸುತ್ತಾರೆ ಎಂದೂ ಕಂಪನಿಯು ಹೇಳಿದೆ. ವೊಡಾಫೋನ್ ಐಡಿಯಾ ಗ್ರಾಹಕರಿಗೆ ಮೂರು ವಿಭಾಗಗಳಲ್ಲಿ ಗೇಮ್‌ಗಳು ಲಭ್ಯವಾಗಲಿವೆ.