ಬಂಡವಾಳ ಹೂಡಿಕೆಗೆ ಪೆರು ಆಹ್ವಾನ

ಬೆಂಗಳೂರು: ಗಣಿಗಾರಿಕೆ, ಸಾಫ್ಟ್‌ವೇರ್ ಮತ್ತು ಔಷಧೀಯ ಕ್ಷೇತ್ರಗಳಲ್ಲಿ ಬಂಡವಾಳ ಹೂಡಿಕೆ ಮಾಡಲು ತಮ್ಮ ದೇಶದಲ್ಲಿ ವಿಪುಲ ಅವಕಾಶಗಳು ಇವೆ ಎಂದು ಪೆರು ರಾಯಭಾರಿ ಕಾರ್ಲೋಸ್ ಆರ್ ಪೋಲೊ ತಿಳಿಸಿದ್ದಾರೆ.

ಪೆರು ದಿನಾಚರಣೆಯ ಸಂದರ್ಭದಲ್ಲಿ ಏರ್ಪಡಿಸಿದ್ದ ಜವಳಿ ಪ್ರದರ್ಶನ ಉದ್ಘಾಟಿಸಿ ಅವರು ಮಾತನಾಡಿದರು. ‘ಪೆರುವಿನ ಕೈಗಾ
ರಿಕಾ ಕ್ಷೇತ್ರದಲ್ಲಿ ಹೂಡಿಕೆಗೆ ಪೂರಕವಾದ ವಾತಾವರಣವಿದೆ’ ಎಂದರು.

‘ಚೀನಾ ಮತ್ತು ಅಮೆರಿಕದ ನಂತರ ಭಾರತವು ಪೆರುವಿನ ಮೂರನೇ ಅತಿದೊಡ್ಡ ವ್ಯಾಪಾರ ಪಾಲುದಾರ ದೇಶವಾಗಿದೆ. ಚಿನ್ನ ಮತ್ತಿತರ ಅಮೂಲ್ಯ ಲೋಹಗಳಿಗೆ ಪೆರು ಹೆಸರುವಾಸಿಯಾಗಿದೆ. ಕರ್ನಾಟಕ ಸೇರಿದಂತೆ ಭಾರತದ ಗಣಿಗಾರಿಕೆ ಮತ್ತು ಐ.ಟಿ ವಹಿವಾಟಿನ ಹೂಡಿಕೆದಾರರಿಗೆ ಆತ್ಮೀಯ ಸ್ವಾಗತ ಕೋರುತ್ತದೆ’ ಎಂದೂ ಹೇಳಿದ್ದಾರೆ.