ಪ್ಲಾಟಿನಂ ಆಭರಣಗಳ ಆಮದಿನ ಮೇಲೆ ನಿರ್ಬಂಧ ವಿಧಿಸಿದ ಕೇಂದ್ರ ಸರ್ಕಾರ

ನವದೆಹಲಿ: ಮುಂದಿನ ವರ್ಷದ ಏಪ್ರಿಲ್‌ವರೆಗೆ ಕೆಲವು ಮಾದರಿಯ ಪ್ಲಾಟಿನಂ ಆಭರಣಗಳ ಆಮದಿನ ಮೇಲೆ ಕೇಂದ್ರ ಸರ್ಕಾರ ನಿರ್ಬಂಧ ವಿಧಿಸಿದೆ.

ಪ್ಲಾಟಿನಂ ಆಭರಣಗಳಿಗೆ ಈ ಮೊದಲು ಆಮದಿಗೆ ಮುಕ್ತ ಅವಕಾಶ ಇತ್ತು. ಈಗ ಅದನ್ನು ನಿರ್ಬಂಧಿಸಲಾಗಿದೆ. ಈ ಆದೇಶ ತಕ್ಷಣದಿಂದಲೇ ಜಾರಿಗೆ ಬರಲಿದ್ದು, 2026ರ ಏಪ್ರಿಲ್‌ 30ರ ವರೆಗೆ ಇರಲಿದೆ ಎಂದು ವಿದೇಶಿ ವ್ಯಾಪಾರಗಳ ಮಹಾನಿರ್ದೇಶನಾಲಯ (ಡಿಜಿಎಫ್‌ಟಿ) ತನ್ನ ಅಧಿಸೂಚನೆಯಲ್ಲಿ ಸೋಮವಾರ ತಿಳಿಸಿದೆ. 

ಈ ಸರಕುಗಳ ಆಮದು ಮಾಡಿಕೊಳ್ಳಲು ಆಮದುಗಾರರು ಡಿಜಿಎಫ್‌ಟಿಯಿಂದ ಅನುಮತಿ ಪಡೆದುಕೊಳ್ಳಬೇಕಿದೆ.  

ಸೆಪ್ಟೆಂಬರ್‌ನಲ್ಲಿ ನಿರ್ದಿಷ್ಟಪಡಿಸಿದ ಬೆಳ್ಳಿಯ ಆಭರಣಗಳ ಆಮದಿಗೆ, ಸರ್ಕಾರ 2026ರ ಮಾರ್ಚ್‌ 31ರ ವರೆಗೆ ನಿರ್ಬಂಧ ವಿಧಿಸಿತ್ತು.