ರೈಟ್–ಆಫ್ ಮಾಡಿದ ₹7.34 ಲಕ್ಷ ಕೋಟಿ ಸಾಲದಲ್ಲಿ ₹1.03 ಲಕ್ಷ ಕೋಟಿ ವಸೂಲಿ: ನಿರ್ಮಲಾ

ನವದೆಹಲಿ: ಸರ್ಕಾರಿ ಸ್ವಾಮ್ಯದ ಬ್ಯಾಂಕ್‌ಗಳಿಗೆ ಕಳೆದ ಐದು ವರ್ಷಗಳಲ್ಲಿ, ರೈಟ್‌–ಆಫ್ ಮಾಡಲಾದ ಒಟ್ಟು ಸಾಲದಲ್ಲಿ ಶೇಕಡ 14ರಷ್ಟನ್ನು ಮಾತ್ರ ವಸೂಲಿ ಮಾಡಲು ಸಾಧ್ಯವಾಗಿದೆ ಎಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ರಾಜ್ಯಸಭೆಗೆ ತಿಳಿಸಿದ್ದಾರೆ.

ಸರ್ಕಾರಿ ಸ್ವಾಮ್ಯದ ಬ್ಯಾಂಕ್‌ಗಳು ರೈಟ್‌–ಆಫ್ ಮಾಡಿದ ಒಟ್ಟು ₹ 7.34 ಲಕ್ಷ ಕೋಟಿ ಸಾಲದಲ್ಲಿ ₹ 1.03 ಲಕ್ಷ ಕೋಟಿಯಷ್ಟು ಮೊತ್ತವನ್ನು ಮಾತ್ರ ವಸೂಲು ಮಾಡಲು ಸಾಧ್ಯವಾಗಿದೆ ಎಂದು ಲಿಖಿತ ಉತ್ತರದಲ್ಲಿ ನಿರ್ಮಲಾ ಅವರು ಹೇಳಿದ್ದಾರೆ.