ಹೊಸ ಪ್ರಿಪೇಯ್ಡ್‌ ಕಾರ್ಡ್‌ಗೆ ಚಿಂತನೆ
Published 5 ಡಿಸೆಂಬರ್ 2019, 20:00 IST
ಮುಂಬೈ: ₹ 10 ಸಾವಿರದ ಮೊತ್ತದವರೆಗೆ ಸರಕು ಮತ್ತು ಸೇವೆಗಳನ್ನು ಖರೀದಿಸಲು ಬಳಸಬಹುದಾದ ಹೊಸ ಪ್ರಿಪೇಯ್ಡ್‌ ಕಾರ್ಡ್‌ (ಪ್ರಿಪೇಯ್ಡ್‌ ಪೇಮೆಂಟ್‌ ಇನ್ಸ್‌ಟ್ರುಮೆಂಟ್‌–ಪಿಪಿಐ) ಜಾರಿಗೆ ತರಲು ಆರ್‌ಬಿಐ ಉದ್ದೇಶಿಸಿದೆ.
ನಗದುರಹಿತ (ಡಿಜಿಟಲ್‌) ಪಾವತಿ ವ್ಯವಸ್ಥೆಯಲ್ಲಿ ‘ಪಿಪಿಐ’ಗಳು ಪ್ರಮುಖ ಪಾತ್ರ ನಿರ್ವಹಿಸುತ್ತಿವೆ. ಹೊಸ ‘ಪಿಪಿಐ’, ಡಿಜಿಟಲ್‌ ವಹಿವಾಟನ್ನು ಇನ್ನಷ್ಟು ಉತ್ತೇಜಿಸಲಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ಈ ‘ಪಿಪಿಐ’ಗಳಿಗೆ ಬ್ಯಾಂಕ್‌ ಖಾತೆಗಳಿಂದ ಮಾತ್ರ ಹಣ ಭರ್ತಿ ಮತ್ತು ಮರುಭರ್ತಿ ಮಾಡಲು ಅವಕಾಶ ಇರಲಿದೆ. ಬಿಲ್‌ ಪಾವತಿ ಮತ್ತು ವ್ಯಾಪಾರಿ ಮಳಿಗೆಗಳಲ್ಲಿನ ಸರಕುಗಳ ಖರೀದಿಗೆ ಇದನ್ನು ಬಳಸಬಹುದು. ಇದೇ 31ರಂದು ಈ ಕಾರ್ಡ್‌ಗಳ ಸಂಬಂಧ ಮಾರ್ಗದರ್ಶಿ ಸೂತ್ರಗಳನ್ನು ಪ್ರಕಟಿಸಲಾಗುವುದು ಎಂದು ಆರ್‌ಬಿಐ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.