ನವದೆಹಲಿ: ಜಿಯೊ ಪ್ಲಾಟ್ಫಾರ್ಮ್ಸ್ನ ಶೇ 6.13ರಷ್ಟು ಷೇರುಗಳನ್ನು ನಾಲ್ಕು ಕಂಪನಿಗಳಿಗೆ ಮಾರಾಟ ಮಾಡುವ ಒಪ್ಪಂದವು ಪೂರ್ಣಗೊಂಡಿದೆ ಎಂದು ರಿಲಯನ್ಸ್ ಇಂಡಸ್ಟ್ರೀಸ್ ಶನಿವಾರ ತಿಳಿಸಿದೆ.
ಫೇಸ್ಬುಕ್ ಜತೆಗಿನ ಒಪ್ಪಂದ ಪೂರ್ಣಗೊಂಡ ಬಳಿಕ, ಎಲ್. ಕಾಟರ್ಟನ್, ದಿ ಪಬ್ಲಿಕ್ ಇನ್ವೆಸ್ಟ್ಮೆಂಟ್ ಫಂಡ್, ಸಿಲ್ವರ್ ಲೇಕ್ ಮತ್ತು ಜನರಲ್ ಅಟ್ಲಾಂಟಿಕ್ ಕಂಪನಿಗಳಿಂದ ಒಟ್ಟಾರೆ ₹ 30,062 ಕೋಟಿ ಬಂಡವಾಳ ಪಡೆದುಕೊಂಡಿರುವುದಾಗಿ ಹೇಳಿದೆ. ಫೇಸ್ಬುಕ್ನಿಂದಈಗಾಗಲೇ ₹ 43,574 ಕೋಟಿ ಹೂಡಿಕೆಯನ್ನು ಕಂಪನಿ ಪಡೆದುಕೊಂಡಿದೆ.
ರಿಲಯನ್ಸ್ ಕಂಪನಿಯು ಜಿಯೊ ಪ್ಲಾಟ್ಫಾರ್ಮ್ಸ್ನ ಶೇ 25.09 ಷೇರುಗಳನ್ನು 11 ಹೂಡಿಕೆದಾರರಿಗೆ ₹1,17,588.45 ಕೋಟಿಗೆ ಮಾರಾಟ ಮಾಡುವ ಒಪ್ಪಂದ ಮಾಡಿಕೊಂಡಿದೆ. ಇದರಲ್ಲಿ ಇದುವರೆಗೆ ಒಟ್ಟಾರೆ 5 ಹೂಡಿಕೆ ಒಪ್ಪಂದಗಳು ಪೂರ್ಣಗೊಂಡಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.