ರೂಪಾಯಿ ಮೌಲ್ಯ ಶೇ 1.5ರಷ್ಟು ಏರಿಕೆ

ಮುಂಬೈ: ಕರೆನ್ಸಿ ವಿನಿಮಯ ಮಾರುಕಟ್ಟೆಯಲ್ಲಿ ಗುರುವಾರ ನಡೆದ ವಹಿವಾಟಿನಲ್ಲಿ ರೂಪಾಯಿ ಮೌಲ್ಯ 27 ಪೈಸೆ ಏರಿಕೆಯಾಗಿದೆ. ಪ್ರತೀ ಡಾಲರ್‌ ಮೌಲ್ಯ ₹85.37 ಆಗಿದೆ. ಕಳೆದ ನಾಲ್ಕು ವಹಿವಾಟುಗಳಲ್ಲಿ ರೂಪಾಯಿ ಮೌಲ್ಯವು ಶೇ 1.5ರಷ್ಟು (131 ಪೈಸೆ) ಏರಿಕೆಯಾಗಿದೆ. 

ಜಾಗತಿಕ ಸುಂಕ ಸಮರದಿಂದಾಗಿ ಅಮೆರಿಕದ ಡಾಲರ್‌ ಮೌಲ್ಯ ಕಳೆದುಕೊಳ್ಳುತ್ತಿರುವುದು ರೂಪಾಯಿ ಪಾಲಿಗೆ ವರದಾನವಾಗಿದೆ.

ಟ್ರಂಪ್‌ ಪ್ರತಿ ಸುಂಕ ನೀತಿ ಘೋಷಿಸಿದ್ದ ವೇಳೆ ರೂಪಾಯಿ ಮೌಲ್ಯ ಇಳಿಕೆ ಕಂಡಿತ್ತು. ಆ ನಂತರ ಅಮೆರಿಕ ಮತ್ತು ಚೀನಾ ನಡುವೆ ನಡೆಯುತ್ತಿರುವ ಸುಂಕ ಸಮರವು ಡಾಲರ್‌ ಮೌಲ್ಯದ ಕುಸಿತಕ್ಕೆ ಕಾರಣವಾಗಿದೆ ಎಂದು ಮಾರುಕಟ್ಟೆ ತಜ್ಞರು ತಿಳಿಸಿದ್ದಾರೆ.