ಕೋವಿಡ್-19 | ಸರ್ಕಾರಿ ಆಸ್ಪತ್ರೆಗೆ ಎಸ್‌ಬಿಐ ಕೊಡುಗೆ
Published 2 ಜುಲೈ 2020, 17:08 IST
ರಾಜ್ಯ ಸರ್ಕಾರದ ಮುಖ್ಯಕಾರ್ಯದರ್ಶಿ ಟಿ.ಎಂ ವಿಜಯಭಾಸ್ಕರ್ ಅವರಿಗೆ ಎಸ್‌ಬಿಐನ ಬೆಂಗಳೂರು ವೃತ್ತದ ಚೀಫ್‌ ಜನರಲ್‌ ಮ್ಯಾನೇಜರ್‌ ಅಭಿಜೀತ್‌ ಮಜುಂದಾರ್‌ ಅವರು ಕೋವಿಡ್ ಚಿಕಿತ್ಸಾ ಸಾಧನ ಹಸ್ತಾಂತರಿಸಿದರು
ಬೆಂಗಳೂರು: ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ, ತನ್ನ 65ನೇ ಬ್ಯಾಂಕ್‌ ದಿನಾಚರಣೆ ಅಂಗವಾಗಿ ಕೋವಿಡ್ ಪೀಡಿತರ ಚಿಕಿತ್ಸೆಗೆ ನೆರವಾಗುವ ಆಮ್ಲಜನಕ ಪೂರೈಸುವ ‘ಎಚ್‌ಎಫ್‌ಎನ್‌ಸಿ‘ ಸಲಕರಣೆಗಳನ್ನು ಸರ್ಕಾರಿ ಆಸ್ಪತ್ರೆಗಳಿಗೆ ಕೊಡುಗೆಯಾಗಿ ನೀಡಿದೆ.
ತನ್ನ ಕಾರ್ಪೊರೇಟ್‌ ಸಾಮಾಜಿಕ ಹೊಣೆಗಾರಿಕೆ (ಸಿಎಸ್‌ಆರ್‌) ಕಾರ್ಯಕ್ರಮದಡಿ ₹ 26 ಲಕ್ಷ ವೆಚ್ಚದಲ್ಲಿ ಈ ಸಲಕರಣೆಗಳನ್ನು ಪೂರೈಸಿದೆ.
‘ಕೋವಿಡ್ ಪರಿಹಾರ ಕಾರ್ಯಕ್ರಮಗಳಿಗಾಗಿ ಬ್ಯಾಂಕ್‌ ರಾಜ್ಯ ಸರ್ಕಾರಕ್ಕೆ ಇದುವರೆಗೆ ₹ 75.49 ಲಕ್ಷ ಮೊತ್ತದ ನೆರವು ನೀಡಿದೆ. ಶೀಘ್ರದಲ್ಲಿಯೇ ಸರ್ಕಾರಿ ಮತ್ತು ಸೇನೆಯ ಆಸ್ಪತ್ರೆಗಳಿಗೆ 10 ವೆಂಟಿಲೇಟರ್‌ಗಳನ್ನು ವಿತರಿಸಲಿದೆ’ ಎಂದು ಬ್ಯಾಂಕ್‌ನ ಬೆಂಗಳೂರು ವೃತ್ತದ ಚೀಫ್‌ ಜನರಲ್‌ ಮ್ಯಾನೇಜರ್‌ ಅಭಿಜೀತ್‌ ಮಜುಂದಾರ್‌ ಹೇಳಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.