ಕೋವಿಡ್‌–19 ಪರಿಣಾಮದಅಂದಾಜು ಕಷ್ಟ: ಎಸ್‌ಬಿಐ

ಕೋಲ್ಕತ್ತ: ದೇಶದ ಬ್ಯಾಂಕಿಂಗ್‌ ವಲಯದ ಮೇಲೆ ಮಧ್ಯಮಾವಧಿ ಅಥವಾ ದೀರ್ಥಾವಧಿಗೆ ಕೋವಿಡ್‌–19ಯಿಂದ ಆಗಬಹುದಾದ ಪರಿಣಾಮವನ್ನು ಅಂದಾಜು ಮಾಡುವುದು ಕಷ್ಟ ಎಂದು ಎಸ್‌ಬಿಐ ಹೇಳಿದೆ.

ದೇಶದಾದ್ಯಂತ ಲಾಕ್‌ಡೌನ್‌ ಜಾರಿಯಲ್ಲಿದ್ದು, ಇನ್ನೂ ಕೆಲವು ಅವಧಿಯವರೆಗೆ ಮುಂದುವರಿಯಲಿದೆ. ಬ್ಯಾಂಕ್‌ಗಳು ಈಗ ಅಲ್ಪಾವಧಿಗೆ ಎರಡರಿಂದ ಮೂರು ತ್ರೈಮಾಸಿಕಗಳ ಪರಿಣಾಮಗಳನ್ನಷ್ಟೇ ನೋಡುತ್ತಿವೆ. ಮುಂದಿನ ಒಂದು ಅಥವಾ ಎರಡು ವರ್ಷಗಳಾಚೆಗೆ ಅಂದಾಜು ಮಾಡುವುದು ಕಷ್ಟವಾಗಲಿದೆ ಎಂದು ಬ್ಯಾಂಕ್‌ನ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.