ನಾಮನಿರ್ದೇಶನ: ಗಡುವು ವಿಸ್ತರಿಸಿದ ಸೆಬಿ

ನವದೆಹಲಿ: ಟ್ರೇಡಿಂಗ್ ಹಾಗೂ ಡಿಮ್ಯಾಟ್ ಖಾತೆ ಹೊಂದಿರುವವರು ನಾಮನಿರ್ದೇಶನ ಮಾಡಲು ಅಥವಾ ಯಾರನ್ನೂ ನಾಮನಿರ್ದೇಶನ ಮಾಡುವುದಿಲ್ಲ ಎಂಬ ಹೇಳಿಕೆ ಸಲ್ಲಿಸಲು ಇದ್ದ ಗಡುವನ್ನು ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿಯು (ಸೆಬಿ) ಸೆಪ್ಟೆಂಬರ್‌ 30ರವರೆಗೆ ವಿಸ್ತರಿಸಿದೆ.

ಈ ಮೊದಲು ಮಾರ್ಚ್‌ 31ರ ಗಡುವು ನಿಗದಿ ಮಾಡಲಾಗಿತ್ತು. ಈ ಗಡುವನ್ನು ಹಿಂದೆಯೂ ವಿಸ್ತರಿಸಲಾಗಿದೆ. ಷೇರು ಬ್ರೋಕರ್‌ಗಳು ತಮ್ಮ ಗ್ರಾಹಕರಿಗೆ, ನಾಮನಿರ್ದೇಶನ ಮಾಡುವಂತೆ ಅಥವಾ ನಾಮನಿರ್ದೇಶನ ಮಾಡುವುದಿಲ್ಲ ಎಂಬ ಹೇಳಿಕೆಯನ್ನು ಸಲ್ಲಿಸುವಂತೆ ಹದಿನೈದು ದಿನಕ್ಕೊಮ್ಮೆ ಇ–ಮೇಲ್‌ ಅಥವಾ ಎಸ್‌ಎಂಎಸ್‌ಅನ್ನು ಕಳುಹಿಸಬೇಕು ಎಂದು ಕೂಡ ಸೆಬಿ ಹೇಳಿದೆ.