ಮೂರು ತಿಂಗಳಲ್ಲಿ 2.5 ಪಟ್ಟು ಮಾರಾಟ ಪ್ರಗತಿ ಸಾಧಿಸಿದ ಶಾಪ್ಸಿ

ಬೆಂಗಳೂರು; ಭಾರತದಲ್ಲಿ ಅತ್ಯಂತ ವೇಗವಾಗಿ ಬೆಳವಣಿಗೆ ಕಾಣುತ್ತಿರುವ ಇ-ಕಾಮರ್ಸ್ ಪ್ಲಾಟ್ ಫಾರ್ಮ್ ಶಾಪ್ಸಿ, ಈಚೆಗೆ ಮುಕ್ತಾಯವಾದ 9 ನೇ ಬಿಗ್ ಬಿಲಿಯನ್ ಡೇಸ್ (ಟಿಬಿಬಿಡಿ) ಸಂದರ್ಭದಲ್ಲಿ ಎರಡೂವರೆ ಪಟ್ಟಿಗಿಂತಲೂ ಹೆಚ್ಚು ಮಾರಾಟ ಪ್ರಗತಿ ಸಾಧಿಸಿದೆ.

ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಈ ಹಬ್ಬದ ಋತುವಿನಲ್ಲಿ ಕಳೆದ ಟಿಬಿಬಿಡಿಗೆ ಹೋಲಿಸಿದರೆ ಶಾಪ್ಸಿಯಲ್ಲಿ ಗ್ರಾಹಕರ ಸಂಖ್ಯೆ 6 ಪಟ್ಟು ಹೆಚ್ಚಳವಾಗಿದೆ. ಇದರಲ್ಲಿ 2 ಮತ್ತು 3 ನೇ ಶ್ರೇಣಿಯ ನಗರಗಳ ಗ್ರಾಹಕರ ಸಂಖ್ಯೆಯೇ ಹೆಚ್ಚಿದೆ.

ಖರೀದಿ ನಡೆಸಿರುವ ಗ್ರಾಹಕರಲ್ಲಿ ಶೇ 50 ರಷ್ಟು ಗ್ರಾಹಕರು ಮೊದಲ ಬಾರಿಗೆ ಇ-ಕಾಮರ್ಸ್‌ನಲ್ಲಿ ಖರೀದಿ ನಡೆಸಿದ್ದಾರೆ. ಅವರಲ್ಲಿ ಅರ್ಧದಷ್ಟು ಗ್ರಾಹಕರು 3 ನೇ ಶ್ರೇಣಿಯ ಮಾರುಕಟ್ಟೆಗಳಿಗೆ ಸೇರಿದವಾರಾಗಿದ್ದಾರೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಫ್ಯಾಶನ್ ವಿಭಾಗದ ಉತ್ಪನ್ನಗಳು ಶಾಪ್ಸಿಯಲ್ಲಿ ಅತ್ಯಧಿಕ ಮಾರಾಟ ಕಂಡಿವೆ. ಹೋಂ ಫರ್ನಿಶಿಂಗ್ ಮತ್ತು ಡೆಕೋರ್, ಗೃಹೋಪಯೋಗಿ, ಗ್ರೂಮಿಂಗ್ ಮತ್ತು ಟೆಕ್ ಅಕ್ಸೆಸರಿಗಳು ನಂತರದ ಸ್ಥಾನದಲ್ಲಿವೆ ಎಂದು ಅದು ತಿಳಿಸಿದೆ.