ಆಸ್ತಿ ಗಳ ಮಾರಾಟಕ್ಕೆ ಷೇರುದಾರರ ಸಮ್ಮತಿ ಕೇಳಿದ ಸಿಕ್ಯಾಲ್‌ ಲಾಜಿಸ್ಟಿಕ್ಸ್‌
ನವದೆಹಲಿ : ಕೆಫೆ ಡೇ ಗ್ರೂಪ್‌ಗೆ ಸೇರಿರುವ ಸಿಕ್ಯಾಲ್‌ ಲಾಜಿಸ್ಟಿಕ್ಸ್‌ ತನ್ನ ವಿವಿಧ ವಹಿವಾಟುಗಳನ್ನು ಮಾರಾಟ ಮಾಡಲು ಷೇರುದಾರರ ಸಮ್ಮತಿ ಕೇಳಿದೆ.
ಸಾಲ ಮರುಪಾವತಿಸಲು ಮತ್ತು ಕಂಪನಿಯ ಪ್ರಮುಖ ವಹಿವಾಟನ್ನು ಸರಾಗವಾಗಿ ಮುನ್ನಡೆಸಿಕೊಂಡು ಹೋಗಲು ಕಂಪನಿಯ ಮತ್ತು ಅಂಗಸಂಸ್ಥೆಗಳಿಗೆ ಸೇರಿದ ಕೆಲ ಸಂಪತ್ತು ಮಾರಾಟ ಮಾಡಿ ಸಾಲದ ಹೊರೆ ತಗ್ಗಿಸಲು ನಿರ್ದೇಶಕ ಮಂಡಳಿಯು ಆಗಸ್ಟ್‌ ತಿಂಗಳಲ್ಲಿ ಸಮ್ಮತಿ ನೀಡಿತ್ತು.
ಕಂಪನಿಯ ಒಡೆತನದಲ್ಲಿ ಇರುವ ವಹಿವಾಟನ್ನು ಮಾರಾಟ ಮಾಡಲು ಅನುಮತಿ ನೀಡಬೇಕೆಂದು ಷೇರುದಾರರಿಗೆ ಮನವಿ ಮಾಡಿಕೊಂಡಿದೆ. ಸೂಕ್ತ ಖರೀದಿದಾರರನ್ನು ಗುರುತಿಸಲು ಕಂಪನಿಯ ಷೇರುದಾರರ ಅನುಮತಿ ಪಡೆಯಲಾಗುತ್ತಿದೆ ಎಂದು ಸಿಕ್ಯಾಲ್‌ ಲಾಜಿಸ್ಟಿಕ್ಸ್‌, ಮುಂಬೈ ಷೇರುಪೇಟೆಗೆ ತಿಳಿಸಿದೆ.
ತನ್ನ ವಿವಿಧ ವಹಿವಾಟು ಘಟಕಗಳನ್ನು ಮತ್ತು ಅಂಗಸಂಸ್ಥೆಗಳಲ್ಲಿನ ಪಾಲು ಬಂಡವಾಳವನ್ನು ಮಾರಾಟ ಮಾಡಲು ಕಂಪನಿ ಉದ್ದೇಶಿಸಿದೆ. ಕಾಫಿ ಡೇ ಗ್ರೂಪ್‌, 2011ರಲ್ಲಿ ಸಿಕ್ಯಾಲ್‌ ಲಾಜಿಸ್ಟಿಕ್ಸ್‌ ಖರೀದಿಸಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.