ಜಿಡಿಪಿ ಇಳಿಕೆ ತಾತ್ಕಾಲಿಕ: ಮೂಡಿಸ್

ನವದೆಹಲಿ (ಪಿಟಿಐ): ಹಿಂದಿನ ವರ್ಷದ ಕೊನೆಯಲ್ಲಿ ದೇಶದ ಅರ್ಥ ವ್ಯವಸ್ಥೆಯಲ್ಲಿ ಕಂಡುಬಂದಿರುವ ಮಂದಗತಿಯು ತಾತ್ಕಾಲಿಕ ಎಂದು ಮೂಡಿಸ್‌ ಅನಾಲಿಟಿಕ್ಸ್ ಮಂಗಳವಾರ ಹೇಳಿದೆ.

ಡಿಸೆಂಬರ್‌ ತ್ರೈಮಾಸಿಕದಲ್ಲಿ ದೇಶದ ಆರ್ಥಿಕ ಬೆಳವಣಿಗೆ ದರವು ಶೇಕಡ 4.4ಕ್ಕೆ ಇಳಿಕೆಯಾಗಿರುವುದನ್ನು ಕೇಂದ್ರ ಸರ್ಕಾರ ಬಿಡುಗಡೆ ಮಾಡಿರುವ ಅಂಕಿ–ಅಂಶಗಳು ತೋರಿಸಿವೆ.

‘ವರ್ಷದ ಮಧ್ಯ ಭಾಗದಲ್ಲಿ ಅಮೆರಿಕ ಹಾಗೂ ಯುರೋಪಿನಲ್ಲಿ ಚೇತರಿಕೆಯು ಕಾಣಿಸಿಕೊಳ್ಳಲಿದೆ. ಇದು ಭಾರತದಲ್ಲಿ ಬೆಳವಣಿಗೆಗೆ ನೆರವಾಗಲಿದೆ’ ಎಂದು ಮೂಡಿಸ್ ಅನಾಲಿಟಿಕ್ಸ್ ಅಂದಾಜಿಸಿದೆ.