ನವದೆಹಲಿ: ಆದಾಯ ತೆರಿಗೆ ಇಲಾಖೆಯು ಫಾರಂ 16 (ಅರ್ಜಿ ನಮೂನೆ 16) ಪರಿಷ್ಕರಣೆಗೊಳಿಸಿದೆ. 2019ರ ಮೇ 12 ರಿಂದ ಇದು ಜಾರಿಗೆ ಬರಲಿದೆ.
ಆದಾಯ ತೆರಿಗೆದಾರರು 2018–19ನೇ ಹಣಕಾಸು ವರ್ಷದ ಆದಾಯ ತೆರಿಗೆ ಲೆಕ್ಕಪತ್ರವನ್ನು ಈ ಪರಿಷ್ಕೃತ ಅರ್ಜಿ ನಮೂನೆಯಲ್ಲಿಯೇ ಸಲ್ಲಿಸಬೇಕಾಗುತ್ತದೆ.
ಮನೆ ಬಾಡಿಗೆಯಿಂದ ಬರುವ ವರಮಾನ, ವಿವಿಧ ಉಳಿತಾಯ ಯೋಜನೆಗಳಲ್ಲಿನ ತೆರಿಗೆ ಕಡಿತ, ತೆರಿಗೆ ಉಳಿತಾಯ ಯೋಜನೆಗಳಲ್ಲಿ ಹೂಡಿಕೆ, ಬೇರೆ ಮೂಲಗಳಿಂದ ಬರುವ ಆದಾಯ ಮತ್ತು ವಿವಿಧ ಭತ್ಯೆಗಳನ್ನೂಒಳಗೊಂಡು ಇನ್ನೂ ಕೆಲವು ವಿವರಗಳನ್ನು ಅರ್ಜಿ ನಮೂನೆಯಲ್ಲಿ ಸೇರಿಸಿದೆ.
ಮೂಲದಲ್ಲಿ ತೆರಿಗೆ ಕಡಿತ (ಟಿಡಿಎಸ್) ಆಗಿರುವ ಮಾಹಿತಿಗಳನ್ನು ಒಳಗೊಂಡಿರುವುದೇ ‘ಫಾರಂ 16’ ಆಗಿದೆ. ವಾರ್ಷಿಕ ಆದಾಯ ಲೆಕ್ಕಪತ್ರ ಸಲ್ಲಿಸುವಾಗ ಈ ಮಾಹಿತಿಗಳನ್ನು ನೀಡಬೇಕಾಗುತ್ತದೆ.
ಉದ್ಯೋಗದಾತರು ತೆರಿಗೆ ಇಲಾಖೆಗೆ ನೀಡಬೇಕಿರುವ ‘ಫಾರಂ 24’ ಸಹ ಪರಿಷ್ಕರಣೆ ಮಾಡಲಾಗಿದೆ. ನೌಕರರುಆಸ್ತಿ ಖರೀದಿ ಅಥವಾ ಮನೆ ನಿರ್ಮಾಣಕ್ಕೆ ಬ್ಯಾಂಕೇತರ ಸಂಸ್ಥೆಗಳಿಂದ ಸಾಲ ಪಡೆದಿದ್ದರೆ ಆ ಸಂಸ್ಥೆಯ ‘ಪ್ಯಾನ್’ ಮಾಹಿತಿಯನ್ನು ಕಡ್ಡಾಯವಾಗಿ ನೀಡಬೇಕಾಗುತ್ತದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.