ಜೊಮಾಟೊದಲ್ಲಿನ ಶೇ 2.34ರಷ್ಟು ಷೇರು ಮಾರಿದ ಟೈಗರ್‌ ಗ್ಲೋಬಲ್‌

ನವದೆಹಲಿ: ಟೈಗರ್‌ ಗ್ಲೋಬಲ್‌ ಕಂಪನಿಯು ಜೊಮಾಟೊದಲ್ಲಿ ಹೊಂದಿದ್ದ ಷೇರುಗಳಲ್ಲಿ ಶೇ 2.34ರಷ್ಟನ್ನು ಮುಕ್ತ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಿದೆ.

18.45 ಕೋಟಿ ಷೇರುಗಳನ್ನು ಮಾರಾಟ ಮಾಡುವ ಮೂಲಕ ಟೈಗರ್ ಗ್ಲೋಬಲ್‌ ಕಂಪನಿಯು ಜೊಮಾಟೊದಲ್ಲಿನ ತನ್ನ ಷೇರುಪಾಲನ್ನು ಶೇ 2.77ಕ್ಕೆ ತಗ್ಗಿಸಿಕೊಂಡಿದೆ ಎಂದು ಜೊಮಾಟೊ ಗುರುವಾರ ತಿಳಿಸಿದೆ.

ಜುಲೈ 25 ರಿಂದ ಆಗಸ್ಟ್‌ 2ರ ನಡುವಿನ ಅವಧಿಯಲ್ಲಿ ಷೇರುಗಳನ್ನು ಮಾರಾಟ ಮಾಡಲಾಗಿದೆ ಎಂದು ಜೊಮಾಟೊ ಷೇರುಪೇಟೆಗೆ ಮಾಹಿತಿ ನೀಡಿದೆ.

ಉಬರ್‌ ಕಂಪನಿಯು ಬುಧವಾರ ಜೊಮಾಟೊದಲ್ಲಿ ಹೊಂದಿದ್ದ 61.2 ಕೋಟಿ ಷೇರುಗಳನ್ನು ₹ 3,088 ಕೋಟಿಗೆ ಮಾರಾಟ ಮಾಡಿತ್ತು.