₹2 ಸಾವಿರ ಕೋಟಿ ಹೂಡಿಕೆಗೆ ಯುಫ್ಲೆಕ್ಸ್‌ ಒಲವು

ಬೆಂಗಳೂರು:ಫ್ಲೆಕ್ಸಿಬಲ್‌ ಪ್ಯಾಕೇಜಿಂಗ್‌ ಮೆಟೀರಿಯಲ್‌ ಆ್ಯಂಡ್‌ ಫಿಲ್ಮ್ಸ್‌ನ ಉತ್ಪಾದನಾ ಸಂಸ್ಥೆ ‘ಯು ಫ್ಲೆಕ್ಸ್‌ ಗ್ರೂಪ್‌’ ಕರ್ನಾಟಕದಲ್ಲಿ ₹2 ಸಾವಿರ ಕೋಟಿ ಬಂಡವಾಳ ಹೂಡಿಕೆಗೆ ಒಲವು ತೋರಿದ್ದು, ಇದರಿಂದ ಎರಡು ಸಾವಿರ ಉದ್ಯೋಗಾವಕಾಶಗಳು ಸೃಷ್ಟಿಯಾಗಲಿವೆಎಂದು ಬೃಹತ್‌ ಮತ್ತು ಮಧ್ಯಮ ಕೈಗಾರಿಕಾ ಸಚಿವ ಜಗದೀಶ‌ ಶೆಟ್ಟರ್‌ ತಿಳಿಸಿದರು.

ಶೆಟ್ಟರ್ ಅವರನ್ನು ವಿಧಾನಸೌಧದಲ್ಲಿ ಭೇಟಿಯಾದ ಫ್ಲೆಕ್ಸ್‌ ಗ್ರೂಪ್ ಸಂಸ್ಥಾಪಕ ಅಧ್ಯಕ್ಷ ಅಶೋಕ್ ಚತುರ್ವೇದಿ ಈ ಕುರಿತು ಸಮಾಲೋಚನೆ ನಡೆಸಿದರು.

ಸಭೆಯಲ್ಲಿಕೈಗಾರಿಕಾ ಮತ್ತು ವಾಣಿಜ್ಯ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಗೌರವ್‌ ಗುಪ್ತ, ಆಯುಕ್ತೆ ಗುಂಜನ್‌ ಕೃಷ್ಣ ಇದ್ದರು.