ಯುಎಸ್‌ಎಲ್‌ನ 32 ಬ್ರ್ಯಾಂಡ್‌ಗಳು ಇನ್‌ಬ್ರೀವ್‌ಗೆ
ನವದೆಹಲಿ: ಡಿಯಾಜಿಯೊ ಒಡೆತನದ ಯುನೈಟೆಡ್‌ ಸ್ಪಿರಿಟ್ಸ್‌ ಲಿಮಿಟೆಡ್‌ (ಯುಎಸ್‌ಎಲ್‌) ತನ್ನ 32 ಜನಪ್ರಿಯ ಬ್ರ್ಯಾಂಡ್‌ಗಳನ್ನು ಸಿಂಗಪುರದ ಇನ್‌ಬ್ರೀವ್‌ ಬೆವರೇಜಸ್‌ಗೆ ₹ 820 ಕೋಟಿಗೆ ಮಾರಾಟ ಮಾಡುವುದಾಗಿ ಭಾನುವಾರ ಹೇಳಿದೆ.
ಈ ಕುರಿತು ಎರಡೂ ಕಂಪನಿಗಳು ಜಂಟಿ ಹೇಳಿಕೆ ನೀಡಿವೆ. ಹೇವಾರ್ಡ್ಸ್‌, ಓಲ್ಡ್‌ ಟ್ಯಾವರ್ನ್‌, ವೈಟ್‌–ಮಿಸ್ಚಿಫ್‌, ಹನಿಬೀ, ಗ್ರೀನ್‌ ಲೇಬಲ್‌ ಮತ್ತು ರೊಮನೋವ್‌ ಸೇರಿದಂತೆ ಒಟ್ಟಾರೆ 32 ಬ್ರ್ಯಾಂಡ್‌ಗಳನ್ನು ಯುಎಸ್‌ಎಲ್‌ ಮಾರಾಟ ಮಾಡಲಿದೆ. ಮೆಕ್‌ಡೊನಾಲ್ಡ್ಸ್‌ ಅಥವಾ ಡೈರೆಕ್ಟರ್ಸ್‌ ಸ್ಪೆಷಲ್‌ ಬ್ರ್ಯಾಂಡ್‌ಗಳಲ್ಲಿ ಒಂದನ್ನು ಯುಎಸ್‌ಎಲ್‌ ತನ್ನಲ್ಲಿಯೇ ಉಳಿಸಿಕೊಳ್ಳಲಿದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.
ಅಲ್ಲದೆ, ಬ್ಯಾಗ್‌ಪೈಪರ್‌ ಒಳಗೊಂಡು 11 ಬ್ರ್ಯಾಂಡ್‌ಗಳ ಬಗ್ಗೆ ಯುಎಸ್‌ಎಲ್‌ ಮತ್ತು ಇನ್‌ಬ್ರೀವ್‌ 5 ವರ್ಷಗಳ ಫ್ರಾಂಚೈಸಿ ಒಪ್ಪಂದವನ್ನೂ ಮಾಡಿಕೊಂಡಿವೆ.
ಸೆಪ್ಟೆಂಬರ್‌ 30ಕ್ಕೆ ಕೊನೆಗೊಳ್ಳುವ ತ್ರೈಮಾಸಿಕದ ಅಂತ್ಯದ ವೇಳೆಗೆ ಮಾರಾಟದ ಪ್ರಕ್ರಿಯೆಗಳು ಪೂರ್ಣಗೊಳ್ಳುವ ನಿರೀಕ್ಷೆ ಮಾಡಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.